खबर पूर्वाञ्चल
कोशी अस्पताल विराटनगरमा परीक्षण गर्दा प्रदेश प्रहरी कार्यालय विराटनगरका सात प्रहरी कर्मचारीसहित १५ जनामा कोरोना संक्रमण पुष्टि भएको हो । २४, २५, ३३, ३५, ३७, ४१, र ४२ वर्ष उमेर समूहका संक्रमित प्रहरीको ठेगाना प्रदेश १ प्रहरी कार्यालय रहेको बताइएको छ ।
त्यस्तै विराटनगर महानगरपालिका ७ का ४ जना र विराटनगर ६ का १ जना कोरोना संक्रमित थपिएको विराटनगर महानगरपालिका जनस्वास्थ्य महाशाखा प्रमुख रमेश कार्कीले जानकारी दिए ।
महानगरपालिकाले संकलन गरेको स्वाबबाट विराटनगर ७ की ३० र ३६ वर्षीया महिला रहेका छन्।
।
त्यसैगरि सोही वडाका २५ र ४५ वर्षका उमेरका पुरुष पनि संक्रमित रहेका छन् । वडा नम्बर ६ का संक्रमित २४ वर्षीय पुरुष हुन् ।
कोशी अस्पतालमा कार्यरत थप दुई जनामा कोरोना संक्रमण पुष्टि भएको छ । संक्रमित मध्ये एक जना टंकिशिनवारीका रहेको महाशाखा प्रमुख कार्कीले जानकारी दिए । लकडाउन खुला गरेपछिको अवस्थामा महानगरमा संक्रमित संख्या ७० जना पुग्दा ४१ जनाको ट्राभल हिष्ट्री नभएको महानगरको भनाई छ।
त्यसैगरि, झापा विर्तामोड ६ की ५८ वर्षीया महिला र टंकीसिनुवारी मोरंगबाट २५ वर्षीया महिला संक्रमित भएको बताइएको छ।
