पूर्वाञ्चल खबर
कैद सजाय भुक्तान गरिरहेका मोरङको केराबारी गाउँपालिका–४ का २८ वर्षीय रमेश मगरको मृत्यु भएको कारागारका निमित्त जेलर रामप्रसाद पोखरेलले बताए । मगर मुटुका बिरामी थिए ।
मुटुमा थप समस्या देखिएपछि उनलाई बिहान उपचारका लागि विराटनगरको कोशी अस्पताल लगिएको केही बेरमै चिकित्सकले मृत घोषित गरेको पोखरेलले बताए । जबरजस्ती करणी र बहुविवाह मुद्दामा अदालतले मगरलाई २०७५ साल पुस १५ गते १० वर्ष कैद सजायको फैसला गरेको थियो ।
मृतकको शव परिवारका सदस्यलाई जिम्मा लगाउने तयारी भइरहेको कारागारले जनाएको छ ।
