खबर पूर्वाञ्चल
खड्कालाई काठमाडौंबाट विराटनगर ल्याइने छ । खड्का विरुद्ध जिल्ला अदालत मोरङमा मुद्दा दायर भएकाले थुनछेक बहसका मोरङमा ल्याइनेछ ।
काठमाडौं ल्याइएपनि मोरङ पठाउने बारे टुंगो भइसको छैन् । जिल्ला प्रहरी कार्यालय मोरङका प्रहरी नायव उपरीक्षक मानबहादुर राईका अनुसार विराटनगर पठाउने बारे मोरङमा तत्काल कुनै जानकारी छैन् ।
खड्कासहित ७५ जना विरुद्ध जिल्ला सरकारी वकिलको कार्यालय मोरङले जिल्ला अदालत मोरङमा ‘आपराधिक समूह स्थापना र संचालन गरी सुन चोरी पैठारी र चोरी निकासीको अवैध कारोवार, अपहरण तथा शरीर बन्धक र कर्तब्य ज्यान’ मुद्दा दर्ता भएको छ ।
उनी २०७५ माघमा यूएईमा समातिएका थिए । खड्कासहित प्रकरणमा संलग्न १२ जनाविरुद्ध अन्तर्राष्ट्रिय प्रहरी संगठन (इन्टरपोल) मा रेड नोटिस जारी भएको थियो । काभ्रे घर भएका ४२ वर्षीय खड्का एक दशकयता यूएईमै बस्दै आएका थिए । वैदेशिक रोजगारीका लागि गएका उनी पछिल्ला वर्षहरुमा जागिर छाडेर सुन तस्करीमा लागेको अनुसन्धानकर्ताहरु बताउँछन् । यसअघि केन्द्रीय अनुसन्धान ब्यूरो (सीआईबी) ले २१ पुस ०७३ मा बरामद गरेको साढे ३३ किलो सुन प्रकरणमा पनि उनी मुछिएका थिए ।
नेपालमा रहेका सुन व्यवसायीसँग मिलेर उनले दुबईबाट सुन पठाउने काम गर्दै आएको खुलेको थियो । पछिल्ला वर्षहरुमा मोरङ उर्लाबारीका गोरे भनिने चुडामणि उप्रेती मार्फत उनले सुन नेपाल भित्र्याउने गरेको उच्च स्तरीय सुन अनुसन्धान समितिले सार्वजनिक गरेको थियो ।
तपाईको प्रतिक्रिया