औषधि व्यवसायलाई मर्यादित बनाएर अगाडी बढ्ने पूर्वका औषधी व्यवसायीहरूको निर्णय

खबर पूर्वाञ्चल, २० असार २०७७, शनिबार १९:२७

विराटनगर / औषधी व्यवसायमा भएका बिकृति, बिसङगतिहरू नियन्त्रण गर्दै व्यवसायलाई मर्यादित बनाएर समाजमा स्थापित पेशाको रूपमा अगाडी बढ्न पूर्वका औषधी व्यवसायीहरूले एकताबद्ध भएर अगाडी बढने निर्णय गरेका छन् ।

विराटनगरमा आज भेला भएका मोरङ, झापा र सुनसरीका औषधी व्यवसायी संघमा आवद्ध व्यवसायीहरूले यस्तो निर्णाय गरेका हुन् । तीन जिल्लाका औषधी व्यवसायी संघका पदाधिकारीहरूकोे भेलाले व्यवसायीहरूमा भएको समस्याको समाधान तथा अन्त्य गर्न संयन्त्र पनि बनाएका छन् ।

कार्यक्रममा बोल्दै नेपाल औषधी व्यवसायी संघ मोरङका अध्यक्ष लक्ष्मीप्रसाद तिम्सिनाले औषधी व्यवसायीको पेशालाई मर्यादित बनाएर नमुना व्यवसायीको रूपमा अब्बल सावित गर्न सबै व्यवसायीहरू एकजुट हुनुपर्ने बताए । यस्तै नेपाल औषधी व्यवसायी संघ सुनसरीका अध्यक्ष रबिन्द्र घिमिरले देशभरीका औषधी व्यवसायीहरू एक ढिका भएर समाजमा स्थापित पेशाको रूपमा व्यवसायीलाई चिनाउन लागि पनुपर्नेमा जोड दिए ।

नेपाल औषधी व्यसायी संघ झापाका अध्यक्ष गौतम गुप्ताले व्यवसायीहरुको समस्याको समाधान गरि औषधीको मुल्यमा एकरूपता कायम गरि अगाडी बढनुपर्ने बताए । नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले औषधी व्यवसायीलाई हेर्ने दृष्टिकोण फरक हुँदै गएकोले यस क्षेत्रमा भएको बिकृति र विसङगतिहरूको अन्त्य गरि समाजमा मर्यादित पेशाको रूपमा स्थापित गराएर जानुपर्ने बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५