प्रदेश १ मा थप ८ जना कोरोना मुक्त, शुक्रबार डिस्चार्ज हुने

खबर पूर्वाञ्चल, २५ बैशाख २०७७, बिहीबार २१:२९

विराटनगर / विराटनगर स्थित कोरोना अस्पतालमा उपचाररत उदयपुरको भुल्केका थप ८ जना संक्रमितहरुले कोरोनालाई जितेका छन् ।

सोमबारदेखि लगातार दुई पटक गरेको स्वाब परीक्षण रिपोर्ट नेगेटिभ आएकोले उनीहरुलाई शुक्रबार विहान डिस्चार्ज गरिने कोशी कोभिड अस्पताल विराटनगरले जनाएको छ ।

उनीहरु सबैमा दोस्रो पटक आरटी पिसिआर गर्दा रिपोर्ट नेगेटिभ आएपछि डिस्चार्ज गर्न लागिएको हो ।
यस अघि विराटनगर स्थित कोशी अस्पतालको कोभिड १९ उपचार केन्द्रमा रहेका ६ जना बुधबार कोरोनामुक्त भएर डिस्चार्ज भएका थिए । यतिबेला कोशी अस्पताल कोभिड–१९ उपचार केन्द्रमा २५ जना रहेका छन् ।

अस्पतालको आइसोलेसनमा रहेका थप ८ जना कोरोनामुक्त पुष्टि भएकोले शुक्रबार डिस्चार्ज गरिने प्रदेश १ सरकारका सामाजिक विकासमन्त्री जीवन घिमिरेले जानकारी दिए । उनीहरु सबैको अवस्था सामान्य रहेको छ ।
प्रदेश १ मा कोरोना संक्रमित देखिएका उदयपुरका २८, झापाका २ र भोजपुरका १ जना अस्पतालमा राखिएको थियो । उनीहरुमध्ये ६ जना डिस्चार्ज भइसकेको र ८ जना शुक्रबार डिस्चार्ज भएपछि बाँकी १७ जना रहनेछन् ।

प्रदेश १ मा पिसिआरबाट हालसम्म १ हजार ७ सय ८९ जनाको परीक्षण गरिएको छ । त्यस्तै आरडिटिबाट ६ हजार ८ सय ३१ जनाको परीक्षण भएको मुख्यमन्त्री तथा मन्त्रिपरिषद् कार्यालय मातहत रहेको कोरोना सूचना डेस्कले जनाएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५