आँखामा गम्भीर चोट लागेकी फुटबल खेलाडी समिक्षालाई मेयर पराजुलीको सहयोग

विराटनगरमा रहेको विराटनगर आँखा अस्पतालमा उपचाररत मगरलाई अस्पतालमा भेटी मेयर पराजुलीले रकमको चेक हूतान्तरण गरेका हुन् । रकम सानो भए पनि उपचारमा सहयोग पुग्ने अपेक्षाका साथ प्रदान गरिएको मेयर पराजुलीले बताए ।

उदयपुरको बेलका नगरपालिका ५ निवासी १६ वर्षीया समिक्षाको बैशाख १२ गते घरखेतमा काम गर्ने क्रममा आँखामा गम्भीर चोट लागेको थियो । बन्दा बन्दीका कारण उपचारमा भएको कठिनाइका कारण आँखाको इन्फेक्सन बढेको थियो । हाल केही सुधार भएको आँखा अस्पतालले जनाएको छ ।

यस्तै अखिल नेपाल फुटबल संघ एन्फाले फुटबल खेलाडी समिक्षा मगरको सम्पूर्ण उपचार खर्च ब्यहोर्ने जनाएको छ । मगरसंगको भेटका क्रममा एन्फाका प्रवक्ता किरण राईले विरामी खेलाडीको उपचार खर्च ब्यहोर्ने जनाएका हुन् । एन्फाले आर्थिक रुपमा कुनै किसिमको समस्या हुन नदिने समेत राइले बताए ।