दक्षिण एसियाली राष्ट्रहरूमा कोरोनाका कारण ३ सय ६३ जनाको मुत्यु, सवैभन्दा बढी भारतमा २ सय ४९ जनाको मृत्यु

खबर पूर्वाञ्चल, २९ चैत्र २०७६, शनिबार ०९:२९

विराटनगर / विश्वभर महामारीका रुपमा फैलिँदै गएको कोरोना भाइरसको सङ्क्रमणबाट दक्षिण एसियाली राष्ट्रहरूमा १३ हजार ४ सय ४० रहेकोमा ३ सय ६३ जनाको ज्यान गएको छ ।

छिमेकी राष्ट्र भारतमा कोरोनाको कारण सबैभन्दा बढी २ सय ४९ जनाको ज्यान गएको छ भने अहिलेसम्म ७ हजार ६ सय जनामा संक्रमण देखिएको पुष्टि रहेकोमा ७ सय ७४ जना निको भएर घर फर्किएका छन् । पछिल्लो १२ घण्टामा भारतमा २२ जनाले ज्यान गुमाएका छन् ।

यसैगरि पाकिस्तानमा ६६ जनाको ज्यान गएको छ भने अहिलेसम्म ४ हजार ६ सय ६६ जनासंक्रमण देखिएको पुष्टि रहेकोमा ७ सय २७ जना निको भएर घर फर्किएका छन् । त्यस्तै बंगलादेशमा कोरोना संक्रमितबाट २७ जनाले ज्यान गुमाएका छन भने ४ सय २४ जना संक्रमित भेटिएका छन् भने ३० जना निको भएर घर फर्किएका छन् ।

अफगानिस्तानमा भने १३ जनाले ज्यान गुमाएका छन भने ५ सय २१ जना संक्रमित भटिएकोमा ३२ जना निको भएर घर फकिैएका छन् । श्रीलङ्कामा भने कोरानाका कारण ७ जनाले ज्यान गुमाएका छन् भने १ सय ९७ संक्रमिक रहेको पुष्टि भएकोमा ५४ जना निको भएर घर फर्किएका छन् । श्रीलङ्कामा पछिल्लो २४ घण्टामा ७ जना नयाँ संक्रमिक थपिएका छन् ।
माल्दिभ्स, भुटान र नेपालमा हालसम्म कोरोना संक्रमणका कारण मानवीय हताहती भएको भेटिएका छैन् ।

अहिलेसम्म माल्दिभ्समा १९, नेपालमा ९ र भुटानमा ५ जना संक्रमित भेटिएका छन् । नेपालमा हालसम्म भेटिएका ९ संक्रमितमध्ये १ जनाको उपचार भइ घर फर्केका छन् भने ८ जना उपचाररत रहेका छन् । भुटानमा २ र माल्दिभ्समा १३ जनाको उपचार भइ घर फर्केका छन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

arniko
kantipur
pabson Brt
GREDED
siddharth
brithfutur
PABSON MORANG

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५