औषधी व्यवसायीद्वारा सुकुम्बासीलाई राहत वितरण

खबर पूर्वाञ्चल, १७ चैत्र २०७६, सोमबार ०८:४६

विराटनगर / कोरोना भाइरसको संक्रमणसंगै सरकारले लकडाउन गरे पछि भोकै परेका विराटनगरका सुकुम्बासी र दैनिक रोजगारी गरेर जीविकोपार्जन गर्ने मजदूरलाई राहत वितरण गरेका छन् ।

प्रवल मेडिकल हलका सञ्चालक सत्यम नेपाली, आकृति ड्रग हाउसका सञ्चालक महेश मण्डल र गुदरी बजार व्यवसायी संघका अध्यक्ष पशुपती भगतले विराटनगर ११ बस पार्क पछाडि रहेका ञ् सय ५० घर सुकुम्बासी र मजदूरलाई राहत वितरण गरेका हुन् ।

उनीहरुलार्इ चामल,दाल, तरकारी, नुन, सावुन जस्ता खाद्यवस्तुहरु राहत स्वरुप वितरण गरेको प्रबल मेडिकल हलका सञ्चालक नेपालीले जानकारी दिए ।

कोरोना भाइरसको संक्रमण फैलिएसंगै सरकारले लकडाउन गरे पछि मजदूरहरुले काम गर्न पाएका छैनन् । दैनिक रोजगारी गरेर छाक टार्ने मजदूहरुलाई भोकै बस्नु पर्ने अवस्था साथै भोकमरी नलागोस भनेर राहत वितरण गरेको उनले बताए ।

उनीहरुले जस्ले सक्छ सक्ने जतिले आफ्नो ठाँउबाट सहयोग गर्न सवैलाई आग्रह समेत गरेका छन् । देशमा संकट परेको वेलामा कोही पनि भोकै नमरुन भन्ने उदे्श्यले आ-आफ्नो तहबाट सहयोग गरेको उनीहरु बताउँछन्।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५