खबर पूर्वाञ्चल
आज विराटनगर स्थित बोर्डको कार्यालयमा एक दिने योगा प्रशिक्षण कार्यक्रम आयोजना गरेको हो।
बोर्डका सदस्य सचिव कृष्ण बस्नेत ( पर्शुराम ) ले शरीर तन्दुरुस्त र निरोगी बनाउनु साथै मानसिक स्वास्थ्यका लागि समेत योगा महत्वपूर्ण रहेकोले एक दिने योगा प्रशिक्षण कार्यक्रमको आयोजना गरेको बताए। बस्नेतले बालकदेखि वृद्धसम्मलाई हितकारी हुने योगाको अभ्यास र प्रवर्द्धनमा बोर्डले सक्रियता साथ भूमिका खेल्ने धारणा समेत व्यक्त गरे ।
योगा प्रशिक्षक शिल्पा प्याकुरेलले दिएकी प्रशिक्षण कार्यक्रममा कोशी प्रदेश सभाकी उपसभामुख सिर्जना दनुवार , बोर्डकी उपाध्यक्ष विन्दिया कार्की , विराटनगर महानगरपालिकाकी उपप्रमुख शिल्पा निराला कार्कीलगायत बोर्ड मातहतका कर्मचारीहरु , विभिन्न खेल र खेल सम्वद्ध संघ र संगठनमा आवद्ध खेलकुदकर्मीहरुको उपस्थिति रहेको थियो।
