पूर्वाञ्चल खबर
विराटनगर / मोरङको धनपालथान गाउँपालिका – ५ नम्बर वडा कार्यालयले सेवाग्राहीलाई स्वास्थ्य सचेता मुलक कार्यक्रम गर्दै मास्क वितरण गरेको छ ।
विश्वभरी महामारिको रूपमा फैलिएको कोरोना भाइरस (कोभिड १९) संक्रमणबाट बच्न स्वास्थ्य सचेतना मुलक कार्यक्रम गर्दै सेवाग्राहीलाई आज मास्क वितरण गरेको हो ।
धनपालथान गाउँपालिका ५ का वडाअध्यक्ष गयनन्द सरदारले १ हजार थान मास्क सेवाग्राहीलाई बाढेका थिए । कोरोना भाइरसको संक्रमणबाट बच्न स्वास्थ्यकर्मीहरूबाट वडाबासीलाई स्वास्थ्य सचेतना मुलक कार्यक्रम गरि मास्क वितरण गरिएको उनले बताए । वडा कार्यालय परिसरमा सेवा लिन आउँदा सेवाग्राहीहरूले अनिवार्य रूपमा सावुन पानीले हात धोएर सेवा लिनको लागि कार्यलय भित्र पस्ने नियम बनाएको वडाअध्यक्ष सरदारले बताए ।
‘वडा कार्यालयबाट सेवा लिन आउने सेवाग्राहीले अनिवार्य सावुन पानीले हात धोएर कार्यालय भित्र पस्न पाउने नियम लागू भएको छ,’ उनले भने, ‘कार्यालयको मुख्य गेटमा हात धुने दुई वटा धारा र साबुन हुन्छ । यहाँ आएर सेवाग्राहीले हात धोएपछि आफुले चाहेको सेवा वडा कार्यालयबाट दिइनेछ ।’
