ओलीले राजीनामा नदिए माओवादी केन्द्रले समर्थन फिर्ता लिनु पर्छ : नेता सिंह

खबर पूर्वाञ्चल, १२ चैत्र २०७७, बिहीबार १९:३४

विराटनगर / नेपाली कांग्रेसका नेता प्रकाशमान सिंहले माओवादी केन्द्रले समर्थन फिर्ता लिएपछि मात्र नयाँ सरकार गठन गर्न सजिलो हुने बताएका छन् ।

आज विराटनगर प्रेस युनियन मोरङले आयोजना गरेको पत्रकार सम्मेलनमा सिंहले यस्तो बताएका हुन् । उनले भने माओवादी केन्द्रले समर्थन फिर्ता नगरेसम्म वर्तमान सरकारका विरुद्ध अविश्वासको प्रस्ताव ल्याउन गाह्रो भएको बताए ।

अविश्वासको प्रस्ताव ल्याउनका लागि माओवादी केन्द्रले समर्थन फिर्ता लिनुपर्ने बताए । ‘एमाले अध्यक्ष केपी शर्मा ओलीले नेतृत्व गरेको सरकारलाई माओवादी केन्द्रले समर्थन गरेका कारण बहुमतमा छ,’ । उनले भने, ‘बहुमतमा रहेका सरकारका विरुद्ध अविश्वासको प्रस्ताव ल्याउँदा फेल हुन्छ ।’ नेता सिंहले अघि भने, ‘बहुमत बाँकी नै छ भने ६३ सिट जितेको कांग्रेसले कसरी अविश्वासको प्रस्ताव राख्ने ?’

माओवादी केन्द्रले समर्थन फिर्ता लियो भने सरकारले विश्वासको मत लिनुपर्ने र त्यो बेला कसले कसलाई समर्थन गर्छ भन्ने थाहा हुने बताए । कांग्रेस नेता सिंहले अघि भने, ‘माओवादीले समर्थन फिर्ता लिएपछि न खेल सुरु हुन्छ ।’

संविधानविपरीत काम गर्दै हिँडेका प्रधानमन्त्री केपी शर्मा ओलीले नैतिकताका आधारमा राजीनामा दिनुपर्ने बताउँदै उनले राजीनामा नदिए माओवादी केन्द्रले समर्थन फिर्ता लिनुपर्ने बताए । ‘माओवादी केन्द्रबाट समर्थित बहुमतको सरकार हो नि यो,’ उनले भने, ‘माओवादी केन्द्रले समर्थन फिर्ता लियो भने त्यसै पनि सरकारले विश्वासको मत लिनु पर्ने हुन्छ ।’

माओवादी केन्द्रले समर्थन फिर्ता नलिएसम्म सरकार परिवर्तनको प्रक्रिया सुरु नहुने उनको भनाइ छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

PABSON
SBSC
Sitala Subaa
mani Sir
MINILYAND
jagat Sir
SURENDRA

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५