पूर्वाञ्चल खबर
खोटाङ /खोटाङको जन्तेढुङगा गाउँपालिका १ देविस्थानका २१ बर्षीय आशिष राई मृत फेला परेका छन् ।
फाल्गुन ९ गते साथीहरुसंगै खोटाङ बाह्रपोखरीको वंशीलालघाट झोलुङगे पुल तर्फ घुम्न भनी गएका राई बेलुकासम्म पनि घर फर्की नआए पछि उनी बेपत्ता भएका थिए । बेपत्ता भएका राईको खोजतलास गरिरहेको प्रहरी र स्थानीयवासीको टोलीले राईलाई जन्तेढुङगा गाउँपालिका १ कुटिटार स्थित सुनकोशी नदी किनारामा हिजो दिउँसो मृत अवश्थामा फेला पारेका थिए ।
बेपत्ता भएको ५ दिन पछी मृत फेला परेका राईको सम्बन्धमा कानूनी प्रकृया तथा थप अनुसन्धान कार्यको लागि जिल्ला प्रहरी कार्यालय खोटाङबाट अनुसन्धान अधिकृतसहितको टोली खटि गएको खोटाङ प्रहरीले जनाएको छ ।
