पूर्वाञ्चल खबर
विराटनगर / मोरङको जहदा गाउँपालिका–४ वस्ने ७५ वर्षिय नेपाली काङ्ग्रेस क्रियाशिल सदस्य ब्रह्मदेव यादवको आज निधन भएको छ ।
प्रजातन्त्र र लोकतन्त्र स्थापनाका लागि सदैव अगाडि रहेका स्व. यादव लामो समयदेखि अस्वस्थताका कारण आफ्नो निवासमा निधन भएको हो ।
नेपाली काङग्रेस मोरङ जिल्ला सदस्य नवराज पाण्डे,महासमिति सदस्य जवाहरलाल मण्डल, स्वतन्त्र सेनानी सङ्घका जिल्ला सभमापति मोहनलाल महतो, तरुण दल क्षेत्र नं १ का सभापति दिलिप सिंह , वुद्धिलाल राजवंशी, प्रेमनारायण राजवंशी लगायतले स्व. यादवको पार्थीव शरीरमा नेकाको झण्डा ओढाएका थिए ।
स्व. यादवको आजै हिन्दू परम्परा अनुसार लोहन्द्रा खोलामा दाहसंस्कार गरिएको परिवारले जनाएको छ ।स्व. यादवको श्रीमती र चार छोरा रहेका छन् ।
