पूर्वाञ्चल खबर
आज विराटनगरमा आयोजना गरिएको रक्तदानमा ३२ प्रिन्ट रगत संकलन भएको सहकारीका अध्यक्ष मनोज बस्नेतले जानकारी दिए । रक्तदान कार्यक्रममा सहकारीका पदाधिकारी, सदस्य तथा सर्वसाधरणहरूले रक्तादन गरेका थिए । रक्त संचार केन्द्र विराटनगरमा भइरहेको रगत आभावलाई पूर्ती गर्ने उद्देश्यले रक्तदान गरिएको अध्यक्ष बस्नेतले जानकारी दिए ।
रगत नपाएर अकालमा कसैको पनि ज्यान नजाहोस् भनेर ‘रक्तदान, जीवन दान’ भन्ने मुल नाराको साथ रक्तदान कार्यक्रम भएको बस्नेतले बताए । यस्तै सहकारीले विराटनगर आँखा अस्पतालको प्राविधिक सहयोगमा आयोजना गरिएको निःशुल्क आँखा शिविरमा १ सय ६ जनाले आँखा परीक्षण गरिएको छ । आँखा परीक्षण गरिएका मध्ये ६ जनामा मोतियाबिन्दुको विरामी भेटिएको छ । उनीहरूको निःशुल्क शल्यक्रिया विराटनगर आँखा अस्पतालमा हुनेछ ।
