अपराधिक घटना लुकाउने कार्यको अन्त्यका लागि वैज्ञानिक प्रविधिको प्रयोग गर्नु पर्छ –मुख्यमन्त्री कार्की

प्रदेश मुख्य न्यायाधिवक्ताको कार्यालय विराटनगरद्वारा आज विराटनगरमा आयोजित आधुनिक समाजमा विधि विज्ञानको वैज्ञानिक प्रमाणको प्रयोग विषयक तीन दिने तालीमको उद्घाटन गर्दै उनले प्रविधिको प्रयोगमार्फत जनतालाई छिटो, छरितो र विश्वसनिय जानकारी दिनु पर्ने आवश्यक्ता रहेका बताए ।

मुख्यमन्त्री कार्कीले जनतालाई अपराधिक घटनाको अनुसन्धानका विषयमा सत्यतथ्यका आधारमा पारदर्शी ढंगले जानकारी दिन निर्देशन दिए । उनले प्रदेशलाई अनुसन्धानमा पहिलो बनाउन सरकारले ऐन नियम, कानून तथा बजेटको कमी हुन दिने प्रतिवद्धता व्यक्त्त गरे । मुख्यमन्त्री कार्कीले अपराधिक घटना लुकाउने कार्यको अन्त्यका लागि वैज्ञानिक प्रविधिको प्रयोग गर्नुपर्नेमा जोड दिए ।

प्रदेशका मुख्य न्यायाधिवक्ता रुपेश कोइराला र प्राडा हरिहर वस्तीले न्यायको शासनको जनतालाई अनुभुति गराउनपर्ने आवश्यक्ता औल्याउँदै अपराधिक कार्यको अनुसन्धानमा बैज्ञानिक प्रविधिको प्रयोग गर्नुपर्नेमा जोड दिए ।

प्रदेशस्तरीय उक्त्त तालीममा उच्च अदालत, जिल्ला अदालत, कानुन व्यवसायी, चिकित्सक र अनुसन्धानमा संलग्न प्रहरीहरुको सहभागिता रहेको छ ।