जागिरको प्रलोभन देखाएर युवतीमाथि यौनशोषण

खबर पूर्वाञ्चल, १७ भाद्र २०७६, मंगलवार ०७:४०

सप्तरी / जागिर लगाई दिने भन्दै युवतीहरूमाथि यौनशोषण गरि उनीहरुबाट लाखौं रकम लुटपाट र ठगी गरेको आरोपमा प्रहरीले एक जनालाई पक्राउ गरी सार्वजनिक गरेको छ ।

सप्तरीको अग्निसाइर कृष्णा सवरण गाउँपालिका–२ सीतापुर बस्ने २९ वर्षीय सन्तोकुमार यादवलाई प्रहरीले पक्राउ गरी सार्वजनिक गरेको हो ।

एक वर्षअघि मोरङ जिल्ला अदालतबाट एक युवतीको बलात्कार तथा लुटपाट घटनामा दोषी ठहर भई सजायसमेत तोकिएपनि फरार रहेका यादवलाई गोप्य सूचनाका आधारमा आइतबार राति मोरङको बुढीगंगा नगरपालिका–३ स्थित डेराबाट प्रहरीले पक्राउ गरेको हो ।

इमोमार्फत युवतीको फोन नम्बर पत्ता लगाई उक्त नम्बरमा फोन गरी म रोजगारी डटकमको म्यानेजर हुँ विभिन्न बैंक र संस्थामा जागिर लगाइदिन्छु भन्दै प्रलोभन देखाई घरमै बोलाइ लुटपाट र जबर्जस्ती करणीलगायतका अपराधिक काम गर्ने गरेको अनुसन्धानका क्रममा खुलेको डीएसपी मकेन्द्रकुमार मिश्रले बताए । यो समाचर आजको राजधानी दैनिकले छापेको छ ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५