CLASSICTECH NET

‘प्याब्सन आँगन’को क्वाटरफाइनल राउण्ड सम्पन्न

खबर पूर्वाञ्चल, १४ असार २०७६, शनिबार १५:३८

विराटनगर / एकल गायन र नृत्य समावेश गरिएको ‘प्याब्सन आँगन’ प्रतियोगिताको क्वाटरफाइनल राउण्ड सम्पपन्न भएको छ ।

प्याब्सन विराटनगरले आयोजना विराटनगर–११ म रहेको सगरमाथा स्कूलमा भएको क्वाटरफाइनलबाट ७५ जना सेमिफाइनल चरणमा प्रवेश गरेका प्याब्सन विराटनगरका अध्यक्ष इन्द्र राईले जानकारी दिए । अध्यक्ष राइका अनुसार नृत्यतर्फ ५० र गायनतर्फबाट २५ जना छनौट भई सेमिफाइनल चरणमा प्रवेश गरेको जानकारी दिए ।

जेठ ३२ विराटनगरमा एक कार्यक्रमको आयोजना गरि ‘प्याब्सन आँगन’ पहिलो अडिसन गरिएको थियो । अडिसनमा ८० भन्दा बढी विद्यालयहरूबाट गायनमा ९५ र नृत्यमा १ सय ५५ जना गरि २ सय ५० जना प्रतियोगिहरूले भाग लिएको प्याब्सन विराटनगरका अध्यक्ष राईले जानकारी दिए ।

‘सधैको लागि, सवैको लागि, राष्ट्रको शिक्षा, कलाको लागि, प्याब्सन आँगन, प्याब्सन विराटनगर’ मुल नाराको साथ उक्त प्रतियोगिता सुरु गरिएको हो ।

विद्यालयहरूमा अध्ययरत विद्यार्थीहरूको अन्तर निहित कलाकारिताको दक्षतालाई अभिवृद्धी गर्ने उद्देश्यले आयोजना गरिएको प्रतियोगितामा कक्षा १० सम्म अध्ययरत विद्यार्थीहरूले यो प्रतियोगितामा भाग लिएका छन् ।

तीन चरणको अडिसन राउण्ड पुरा गरेपछि प्रतियोगि फाइनलमा पुग्नेछन् । नृत्यतर्फ ५० र गायनतर्फबाट २५ जना छनौट भएका मध्ये फाइलन चरणमा१०–१० जना पुग्नेछन् । प्रतियोगिताको विजेताले नगद १५ हजार रुपैयाँ प्राप्त गर्नेछन् । एकल नृत्य र एकल गायन दुवै विधाका विजेताले नगर र ट्रफि प्राप्त गर्नेछन् । अन्य उपविजेता हुने ९ जना प्रतियोगिले ट्रफि तथा पुरस्कार पाउने सचिव अर्जुन श्रेष्ठले बताए । उक्त प्रतियोगिताको फिनाले विराटनगरमा साउन २४ गते हुनेछ ।

कार्यक्रममा प्याब्सनका केन्द्रीय सदस्य बासुदेव न्यौपाने र प्याब्सन विराटनगरका अध्यक्ष इन्द्र राई सहभागि प्रतियोगिलाई सफलताको शुभ कामना दिए ।

तपाईको प्रतिक्रिया

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल
सुचना तथा प्रसारण विभाग दर्ता नं. ०७५७/०७४/७५