पूर्वाञ्चल खबर
विराटनगर / नेपाल आदिवासी जनजाति महासंघ मोरङले प्रदेश नं १ मुख्यमन्त्री शेरधन राई र आर्थिक मामिला तथा योजनामन्त्री इन्द्रवहादुर आङवोलाई नागरिक अभिनन्दन गर्ने निर्णय गरेको छ ।
महासंघ मोरङका अध्यक्ष मिलनकुमार राईले आज विराटनगरमा पत्रकार सम्मेलनको आयोजना गरी यही वैशाख २० र २१ मोरङको गछियामा हुने चौथो जिल्ला अधिवेशको समापनको अवसरमा अभिन्नदन गर्ने जानकारी दिए ।
मोरङ जिल्लामा २९ आदिवासी जनजाति समुदायको वसोवास रहे पनि २० वटा जातिय समुदायको १७ वटा स्थानीय निकायमा महासङ्घको संगठन रहेको छ ।
महासंघले आदिवासी जनजातिका राष्ट्रिय पर्व एथावत राख्नु पर्ने जनजाति आयोगका लागि सम्पन्न वनाउनु पर्ने , संविधान संशोधन गरी सवैको वनाउनु पर्ने र पहिचानको आधारमा प्रदेशको नामाङकन र सिमाङकन हुनुपर्ने र स्थायी राजधानी सवैलाई सहज पहुंच हुने मध्यभागमा राख्नु पर्ने अधिवेशनमो मुख्य मुद्दा हुने जनाएका छन् ।
