CLASSICTECH NET

सुरक्षा गार्डहरुले पारिश्रमिक पाएनन्

खबर पूर्वाञ्चल, २ बैशाख २०७६, सोमबार २०:३७

विराटनगर /पूर्व सुरक्षा अधिकारीहरूले सञ्चालन गरेका सेक्युरिटी सर्भिस कम्पनीहरूले कामदारलाई न्युनतम् पारिश्रमिक पनि नदिई काम गराउने गरेका छन् ।

बैंक, उद्योग तथा विभिन्न प्रतिष्ठानहरूमा सुरक्षा गार्ड सप्लाई गर्ने सेक्युरिटी कम्पनीले न्यूनतम पारिश्रमिक नदिएपछि सुरक्षा गार्डहरु श्रम तथा रोजगार कार्यालय पुगेका छन् ।

न्यूनतम पारिश्रमिक नदिएपछि चारवटा कम्पनीका मजदुर श्रम तथा रोजगार कार्यालय पुगेका छन् । न्यूनतम पारिश्रमिक माग गर्दै विराट गोर्खा सेक्युरिटी सर्भिस विराटनगर, कमाण्डो सक्युरिटी सर्भिस इटहरी, गोर्खाली योद्धा सेक्युरिटी प्रालि काठमाडौं र केटिएम सर्भिस प्रालि काठमाडौंमा कार्यरत सुरक्षा गार्ड गुहार माग्दै श्रम कार्यालय पुगेका हुन् ।

श्रम कार्यालयमा केटिएम सेक्युरिटी कम्पनीमा कार्यरत १ सय ४१ मजदुरले उजुरी गरेका छन् । श्रम ऐन २०७४ मा महंगी भत्तासहित न्यूनतम मासिक १३ हजार ४ सय ५० तलब, १० प्रतिशत सञ्चयकोष, ८.३३ प्रतिशत सामाजिक सुरक्षा कोष, ८ घण्टाभन्दा बढी समय काम गर्दा ओभरटाइम सुविधा दिनुपर्ने प्रावधान छ । तर, उजुरी परेका कुनै कम्पनीले ऐनले तोके अनुसार तलब भुक्तानी गरेका छैनन् ।

न्यूनतम पारिश्रमिक माग गर्दै पुगेका श्रमिकहरूलाई श्रम तथा रोजगार कार्यालय विराटनगरका प्रमुख प्रेमप्रसाद सञ्जेलले श्रम ऐन कार्यन्यन गर्दै न्यूनतम पारिश्रमिक पाउने व्यवस्था मिलाउने आश्वासन दिए । सेक्युरिटी गार्ड सप्लाई गर्ने कम्पनीहरूलाई पत्र लेख्दै सञ्जेलले पारिश्रमिक नदिए कारवाही गर्ने चेतावनी समेत दिए ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५