CLASSICTECH NET

मेयरकप क्रिकेटको उपाधि विराटनगरलाई

खबर पूर्वाञ्चल, २७ चैत्र २०७५, बुधबार १८:०७

इटहरी / विराटनगरले इटहरीमा जारी मेयरकप क्रिकेट प्रतियोगिताको उपाधि हात पारेको छ ।

आज भएको फाइनल खेलमा विराटनगर महानगरपालिकाले आयोजक इटहरी उपमहानगरपालिकालाई ७८ रनले पराजित गर्दै उपाधिसहित नगद ५० हजार रुपैया र ट्रफी हात पारेको छ । उपविजेत बनेको इटहरीले २५ हजार रुपैयामा चित्त बुझाएको छ ।

इटहरी ९ स्थित क्रिकेट मैदानमा भएको फाइनल खेलमा टस जितेर ब्याटिड गरेको विराटनगरले निर्धारित २० ओभरको खेलमा ८ विकेट गुमाएर १ सय ७३ रनको विशाल योगफल खडा गरेको थियो । विराटनगरका पुष्प थापाले बिष्फोटक ब्याटिड गर्दै सर्वाधिक ९६ रन जोड । कप्तानी पारी खेलेका थापाले ३४ बलमा १२ चौका र ६ छक्का प्रहार गरे । रवि रोयले २२ रन , फिर्दोस अन्सारीले २१ रन बनाउँदा मिनस थापाले १५ रनको योगदान दिए । इटहरीका भुपाल लुइटेलले ३ बिकेट लिँदा रवि साहले २ विकेट लिए ।

जवाफमा १ सय ७४ रनको विजयी लक्ष्य पछ्याएको इटहरी १७ दशमलव १ बलमा ९५ रनमा समेटियो । इटहरीका मनिष दाहालले नटआउट २७ रन बनाउँदा सरोज कटुवालले २५ रन तथा सुमन पौडेलले २० रन जोडे । विराटनगरका पुष्प थापा, दिपेश कंडेल, मुकुन्द यादव र अमृत सिंहले २–२ विकेट लिए । फाइनल खेलमा म्यानअफ द फाइनल विराटनगरका अलराण्डर खेलाडी कप्तान पुष्प थापा घोषित भए । उनले नगद १ हजार र ट्रफी पाए ।

प्रतियोगिताको उत्कृष्ट खेलाडी विराटनगरका दिपेश कंडेल घोषित भए । उनले नगद ५ हजार र ट्रफी पाए । उत्कृष्ट बलर इटहरीका उज्वल श्रेष्ठ र उत्कृष्ट ब्याष्टस्म्यान विराटनगरका फिर्दोस अन्सारी घोषित भए । उनीहरु दुवैले जनही नगद ३ हजार र ट्रफी पाए । इटहरी उपमहानगरपालिकाको संयोजनमा भएको प्रतियोगतामा एक नम्बर प्रदेशका ८ टिम सहभागी थिए ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५