CLASSICTECH NET

सामाजिक विकास मन्त्रालयमा सूर्तिजन्य पदार्थ निषेध

खबर पूर्वाञ्चल, २४ चैत्र २०७५, आईतवार २०:२९
सूर्ति जन्य पदार्थ निषेधको घोषणा गर्दै प्रदेश १ समाजिक विकास मन्त्री जीवन घिमिरे । तस्वीर-पुष्पराज थपिलया

विराटनगर / प्रदेश १ को सामाजिक विकास मन्त्रालयले विश्व स्वस्थ्य दिवसको अवसरमा मन्त्रालय र मातहतका कार्यालयहरुका सेवाग्राही र कर्मचारीलाई कार्यालय परिसरमा सूर्ति जन्य पदार्थ बोक्न र प्रयोग गर्न निषेध गरिएको छ ।

आज मन्त्रालयले एक कार्यक्रमको आयोजना सुर्तिजन्य पदार्थ चुरोट,बिडी,सिगार,तमाखु, हुक्का, सुल्फा, कच्चा सुर्ती, खैनी, गुट्खा तथा यस्तै प्रकारका सुर्तीजन्य पदार्थ सेवन निषेध गरिएको हो ।

गेटमा रहेका सुरक्षा गार्डले मन्त्रालय आउने सेवाग्राही र कर्मचारीको सूर्ति जन्य पदार्थ जाँच गर्नेछन् । सेवाग्राहीकालागि सूर्ति फाल्न गेटमा डसबिन पनि राख्ने छ । प्रदेश १ समाजिक विकास मन्त्री जीवन घिमिरेले मन्त्रालय परिषरमा सूर्ति जन्य पदार्थ निषेध गरेको घोषणा गरे ।

प्रदेश १ को सामाजिक विकास मन्त्रालायले सूर्तिजन्य पदार्थ नियन्त्रण र नियमन ऐन २०६८ को प्रभावकारी कार्यान्वयन गर्ने उद्देश्यले यस्तो थालनी गरिएको जनाएको छ ।

मन्त्रालयले आइतबारबाट मन्त्रालयमा आउने व्यक्तिको साथमा सुर्तीजन्य पदार्थ फेला परे मन्त्रालयमा लैजान नदिने भएको छ । यस्ता पदार्थ भेटिएमा मन्त्रालयको गेटमै फाल्ने व्यवस्था मिलाईने मन्त्रालयका प्रवक्त गोपि घिमिरेले जानकारी दिए ।

मन्त्रालय भित्र त्यस्तो पदार्थ साथमा भेटिए नियम अनुसार कारवाही हुने उनले जानकारी दिए । त्यसै गरी बैशाख १ गतेबाट मन्त्रालयका सबै मातहतका कार्यालयमा यस्ता पदार्थ लैजान रोक लागाउने उनले जानकारी दिए । त्यसैगरी प्रदेश १ भित्रका विद्यालय,स्वस्थ्य संस्थालागायतका स्थानमा सुर्तीजन्य पदार्थको सेवन रोक्न सम्बन्धित निकायका सरोकार वाला सँग मन्त्रालयले छलफल अगाडी बढाउने भएको छ । साथै प्रदेश १ मा सूर्तिजन्य पदार्थको नियन्त्रण र नियमन गर्न कानुन निर्माण गरिने भएको छ ।

कार्यक्रममा सुरुवातमा प्रदेश १ का प्रत्येक जिल्लाका १–१ विद्यालय छनौट गरि त्यहा सुर्तिजन्य पदार्थको सेवनमा रोकलागाउने प्रतिबद्धता गराइएको छ । प्रदेश १४ वटै जिल्लाका स्वास्थ्यक कार्यालयका प्रमुखले पनि प्रतिबद्धता जनाएका छन् ।

तपाईको प्रतिक्रिया

greenland college
KANTIPUR

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५