पूर्वाञ्चल खबर
विराटनगरमा आज औषधी व्यवस्था विभागले औषधीको थोक तथा खुद्रा कारोबार गर्दै आएका व्यवसायीले सञ्चालन गरेका पसलहरुको अनुगमन क्रममा यस्तो फेला पारेको हो ।
चिकित्सकले बिक्री वितरणका लागि स्वीकृतिनै नभएका औषधीको सिफारिस गरिदिने गरेको अनुगमनको क्रममा भेटिएको थियो ।
जिल्ला प्रशासन कार्यालय समेतको अनुगमन टोलीले सुरेशचन्द्र अटलको लगानीमा सत्यनारायण साह र पवनकुमार अटलको नाममा दर्ता रहेको श्री सिद्धी विनायक फार्मेसी र हिमगिरी मेडिकोबाट अवैध औषधी नियन्त्रण गरेको थियो । औषधीको थोक बिक्रेता अटलको पसलबाट १७ प्रकारका अवैध औषधी तथा पोषणयुक्त खाद्य औषधी र पाउडर, क्रिम, साबुन समेत जफत गरिएका छन् ।
यसैगरी विराटनगर–९ मा रहेको बब्लु बिपुल फर्माबाट समेत अवैध औषधी जफत गरिएको औषधी व्यवस्था विभागका निरीक्षक चर्तुभुज यादवले जानकारी दिए । श्रीपतिलाल दासले सञ्चालन गरेको थोकमा समेत आयातित र अवैध औषधी भेटिएका थिए । टोलीले गुरु मेडिकल हल, योग्य फार्मेसी र प्रदेश मेडिकल हललाई बन्द गरिदिएको छ । अञ्चल अस्पतालमा कार्यरत सन्ध्या यादवको नाममा दर्ता रहेको गुरु मेडिकलमा सञ्चालक नभेटिएपछि बन्द गर्नु परेको यादवले बताए ।
