खबर पूर्वाञ्चल
कार्यक्रममा कावा अध्यक्ष रामेश्वर बिक्रम थापाले अवधारणापत्र प्रस्तुत गरेका थिए । अवधारणापत्रमा नेपाल आजसम्म राजनितिक, आर्थिक, परराष्ट्र मामिला, र सुरक्षा लगायत बिषयमा वास्तविकरुपले स्वतन्त्र नहुनु नै मूल समस्या रहेको उल्लेख गरेका छन् । अवधारणापत्रमा सरकारले राष्द्रियता, जनतन्त्र, जनजीविका माथि खेलवाड गरेको उल्लेख छ । बजारमा महंगी, कालोबजारी र उपभोक्ताको शोषण अत्यधिक भएता पनि सरकार मुकदर्शक भएको साथै जनताका वास्तविक समस्याहरुलाई थाति राखेर कार्यकर्ता पोस्न तल्लिन रहको उल्लेख छ ।
संगठनका उपत्यका संयोजक प्रकाश अधिकारीले बुद्धिजीवी वर्ग नयाँ श्रमिकको रुपमा रहेको र संगठनले सबैलाई समेट्ने बताएका छन् । लव प्रधान,वलराम पोखरेल, वासुदेव राजवंशी, इन्सेक पूर्वाचल संयोजक सोमराज थापा, विवेकशिल पार्टीका अमलेश कर्णलगायत बोलेका थिए । अवधारणापत्र माथि टिप्पणी गर्दै डा.तिर्थ श्रेष्ठ, शिक्षक विकास न्यौपानेले वर्तमान संसदीय व्यवस्थाले जनताको चाहना पुरा संवोधन गर्न नसम्ने भएकाले एकजुट भएर लड्नु पर्ने भएको बताए ।
तपाईको प्रतिक्रिया