पूर्वाञ्चल खबर
आज साँझ विराटनगर आएका महामन्त्री कोइराला विराटनगर विमानस्थलमा स्थानीय सञ्चारकर्मीहरुसँग कुरा गर्दै नेपाली काँग्रेसको आगामी दुई वर्ष पछि हुने महाधिवेशनपछस् वर्तमान सभापति शेरवहादुर देउवाले विश्राम लिनु पर्ने धारणा व्यक्त गरे । महामन्त्री कोइरालाले गत संसदीय र स्थानीय निर्वाचन पार्टी पराजित हुनुमा अन्तरघात, तिक्तता,गुट उपगुट मु्ख्य कारण रहेको वताउँदै यसको जिम्मेवारी नेतृत्वलगायत केन्द्रीय समितिका सवैले लिनु पर्ने प्रष्ट समेत पारे ।
महामन्त्री कोइरालाले परिवारबाट नेतृत्वका लागि एउटै उम्मेदवार हुने दोर्होयाए । ‘को उम्मेदवार हुने भन्ने पछिको कुरा हो’, कोइरालाले भने, ‘महाधिवेशन नै दुई वर्षपछि छ । को उम्मेदवार भन्ने अहिले केही टुङ्गो छैन।’ कोइराला परिवारवाट सभापति उठने कुराको कुनै निर्णय नभएको चर्चा गर्दै परिवार वाहिरका जिम्मेवार नेता समेत छलफल र सहमती वीच सभापतिको उम्मेवार हुन सक्ने विचार व्यक्त गरे ।
पार्टीको भावी सभापतिको अधिकार र कार्यशैलीलाई चेक एन्ड ब्यालेन्स गर्न सक्ने गरी विधान निर्माण गरिनु पर्ने उनको आग्रह छ । ‘दुई कुरा आएका छन्, कसैले भन्नुहुन्छ– सभापतिलाई स्ट्रोङ बनाऊँ’, कोइरालाले भने, ‘कसैको विचार सामूहिक नेतृत्वबाटै जाऊँ भन्ने छ । दुवै कुराका गुण र अवगुण छन् । सभापतिलाई मात्र सवै अधिकार दियो भने पेलेर लैजाने प्रवृत्ति बढ्छ । त्यसैले सभापति र केन्द्रीय समिति दुवैलाई बलियो बनाऊँ भन्ने मेरो धारणा छ ।’
उनले थपे, ‘हामीले राणा हटायौँ, राजा हटायौँ । पार्टी्भित्र पनि एक्लै कसैले शासन गर्ने होइन र गर्नु हुँदैन । महामन्त्री कोइरालाले निर्मला हत्या मात्र होइन वढ्दो महंगी,करको वृद्धि, शान्ति सुरक्षा कमीवाट जनता पीडित भएको वताउँदै यस सम्वन्धमा काँग्रेसले सदनदेखि सडकसम्मको विरोध कार्यक्रम गरी सरकारलाई सचेत गराएको दावी गरे । एक प्रश्नको जवाफमा उनले मुलुक विखण्डन कार्यमा संलग्न समूह वा व्यक्तिलाई कांग्रेसले कुनै पनि हालतमा समर्थन नगर्ने वताउँदै मुलुक टुक्राउने जोकोही भएपनि कानून अनुसार सरकाले कारवाही गर्नु पर्ने बताए ।
महामन्त्री कोइरालाले काँग्रेस अनुशासन समितिमा जिम्मेवार न्याय दिने व्यक्तिलाई राखी अनुशासन उल्लघन गर्ने माथि कारवाही गर्न खुट्टा कमाउनु हुदैन भने ।
