CLASSICTECH NET

प्रेस युनियनद्वार पाँच पत्रकार पुरस्कृत

खबर पूर्वाञ्चल, १२ आश्विन २०७५, शुक्रबार १७:३२
पुरस्कार ग्रहण गरेपछी सामुहिक तस्वीर खिचाउँदै पुरस्कृत पत्रकारहरु । तस्वीर : पुष्पराज थपलिया

विराटनगर / नेपाल प्रेस युनियन मोरङले आफ्नो जिल्ला अधिवेशनको अवसरमा ५ जना पत्रकारलाई पुरस्कृत गरेको छ ।

युनियनको आज विराटनगरमा आयोजित आठौं अधिवेशन तथा पुरस्कार वितरण समारोहकाबीच ५ जनालाई पुरस्कृत गरिएको हो । सो अवसरमा विराटनगरबाट पत्रकारिता गर्दै आएकी सुशिला पाठकलाई ११ हजार १ सय राशिको अम्बे महिला पत्रकारिता पुरस्कार र रंजिता पोखरेललाई सोहि रकम बराबरको शैलजा आचार्य महिला पत्रकारिता पुरस्कार प्रदान गरिएको छ । यसैगरि उर्लाबारीका पत्रकार मदनबाबु प्रसाइलाई ११ हजार १ सय राशिको शैलजा आचार्य अग्रज पत्रकारिता पुरस्कार,बेलबारीका पत्रकार नरेन्द्र बस्नेतलाई सोहि रकम बराबरको शैलजा आचार्य यूवा पत्रकारिता पुरस्कार तथा पत्रकार महासंघ मोरङका उपाध्यक्ष कुमोद अधिकारीलाई ११ हजार राशीको रमाप्रसाद मायादेवि पत्रकारिता पुरस्कार प्रदान गरिएको छ ।

कार्यक्रमका प्रमुख अतिथि नेपाली कांग्रेसका नेता आनन्दप्रसाद ढुंगानाले पुरस्कृत पत्रकारहरुलाई दोसल्ला,सम्मानपत्र र नगद सहित पुरस्कृत गरे । सो अवसरमा बोल्दै ढुंगाना तथा अर्का नेता नबिन्द्रराज जोशीलगायतका नेताहरुले वर्तमान सरकार दुई तिहाईको दम्भमा अधिनायकबादतर्फ उन्मुख भएको दाबी गर्दै नेपाली कांग्रेस सहित नेपाल प्रेस युनियनको भुमिकालाई थप शसक्त बनाइनुपर्नेमा जोड दिए ।

कार्यक्रममा पत्रकार शेखर रेग्मी, सुनिल पोखरेल, ब्रम्हदेव यादव, कौशल निरौला र प्रशान्त निरौलालाई सम्मान गरिएको थियो ।

युनियनको आठौं जिल्ला अधिवेशनले नयाँ नेतृत्व समेत चयन गर्ने नेपाल प्रेस युनियनका मोरङ अध्यक्ष मिनकुमार नवोदितले जानकारी दिए ।

तपाईको प्रतिक्रिया

*

BRIGHTFUTURE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५