गंगामायाले तोडिन् ४५ दिनपछि अनसन, माग पूरा गर्ने सरकारी प्रतिबद्धता

खबर पूर्वाञ्चल, २९ असार २०७५, शुक्रबार २०:०५

काठमाडौं / लामो समयदेखि अनशनरत गंगामाया अधिकारीले सरकारले दुई बुँदे सहमति गरेपछि अनशन तोडेकी छिन् ।

राष्ट्रिय मानव अधिकार आयोगका अध्यक्ष अनुपराज शर्मा र कानुनमन्त्री शेरबहादुर तामाङले वीर अस्पतालमा उपचारत गंगामायालाई जुस खुवाएर अनसन अन्त्य गराएका हुन् ।
। सरकारले दुई बुँदे सहमति गरेपछि गंगामाया अधिकारी अनशन तोड्न सहमत भएकी हुन् । सहमतिको बुँदामा एक करोडको अक्षय कोष स्थापना गर्ने र गंगामायाका छोराको खोजी गर्न एक समिति गठन गर्ने उल्लेख छ । सहमतिपत्रमा कानुनमन्त्री शेरबहादुर तामाङले हस्ताक्षर गरेका छन् ।

छोरा कृष्णप्रसाद अधिकारीको हत्यारालाई कारबाहीको दायरामा ल्याउनु पर्ने माग गर्दै उनी ४५ दिनदेखि आमरण अनशनमा बसेकी थिइन् । वीर अस्पतालमा अनसनकै क्रममा गंगामायाका पति नन्दप्रसाद अधिकारीको केही वर्ष अघि निधन भएको थियो भने छोरा नुरप्रसाद वेपत्ता छन् । उनका छोरा कृष्णप्रसादको तत्कालीन विद्रोही माओवादीले हत्या गरेका थिए । हत्याका मुख्य अभियुक्त भनिएका रुद्र आचार्य भने बेलायतमा लुकेर बसेका छन् । उनलाई प्रहरीले डिफ्युजन नोटिस जारी गरेको छ । गोरखा फुजेलका ७८ वर्षीय छबिलाल पौडेलले सर्वोच्च अदालतमा आत्मसमर्पण गरेसँगै गंगामाया अधिकारीको अनशन तोडाउने प्रयास सुरु भएको थियो ।

सरकारका तर्फबाट कानुनमन्त्री शेरबहादुर तामाङले मानवअधिकारकर्मीहरुसँग छलफल गरेर गंगामायाको अनशन तोडाउने तयारी गरेका थिए।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५