नाइजेरियासँग आइसल्याण्डलाई पराजितसँगै अर्जेन्टिनाको नकआउट चरणमा पुग्ने आशा जिवितै

खबर पूर्वाञ्चल, ८ असार २०७५, शुक्रबार २३:०१

विराटनगर/अहमद मुसाको दुई गोलले नाइजेरियाले विश्पकप फुटवलमा आइसल्याण्डमाथि महत्वपूर्ण जित हात पारको छ । यो जितसँगै नाइजेरीया विश्वकपको नकआउट चरणमा पुग्ने सम्भावना कायमै छ । नाइजेरीयाले अन्तिम खेल अर्जेन्टिनासँग खेल्ने छ ।

भोल्गोग्राड स्टेडियमा आज भएको खेलमा नाइजेरियाले आइसल्याण्डलाई २–० को गोल अन्तरले पराजित गरेको छ । दुवै गोल नाइजेरीयाका मुसाले २ गोल गरे ।

पहिलो हाफ बराबरीमा सकिएको खेलको दोस्रो हाफको सुरुवातमै नाइजेरियाले अग्रता बनाएको थियो । नाइजेरियाका अहमेद मुसाले खेलको ४९ औं मिनेटमा गोल गर्दै टोलीलाई अग्रता दिलाए । खेलको ७५ औं मिनेटले मुसाले पुनः गोल गर्दै नाइजेरियालाई नकआउट चरण प्रवेशको सम्भावना कायमै राखेका छन् ।

यो जितसँगै नाइजेरिया ३ अंकसहित तालिकाको दोस्रो स्थानमा उक्लिएको छ । आइसल्याण्ड र अर्जेन्टिना समान एक अंक जोडेका क्रमश तेस्रो र चौथोमा रहेका छन् ।
नाइजेरियाको जितले अर्जेन्टिनाको सम्भावना पनि जिवितै रहेको छ । अब आइसल्याण्डले अन्तिम खेलमा क्रोएसियासँग हारेमा र नाइजेरिया अर्जेन्टिनाको विजेता टोली उप–विजेताको रुपमा नकआउट चरणमा प्रवेश गर्नेछ ।

खेलको अन्त्यतिर भीएआरमार्फत आयसल्याण्डले पेनाल्टी पाएको थियो तर,आइसल्याण्ड कप्तान गेल्फी सिगुडसनको प्रहार फ्रेममा नै पर्न सकेन ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५