पूर्वाञ्चल खबर
स्पेनलाई जीत दिलाउन डिएगो कोस्टाले ५४औँ मिनेटमा गोल गरेका थिए । उनको गरेको गोल नै खेलको निर्णायक सावित भयो । उनी खेलको म्यान अफ द म्याच समेत बने ।
जीतसँगै उसले ४ अंक बटुलेको छ। स्पेन र एशियाली राष्ट्र इरानबीचको समूह चरणको पहिलो हाफ गोलरहित बराबरीमा सकिएको थियो ।
दोस्रो हाफमा इरानले खेलमा फर्किने केहि महत्वपूर्ण मौका गुमायो। उसले गरेको एक गोल अफसाइड भएको थियो । भिएआरबाट सो गोललाई अफसाइड घोषणा गरिएको थियो ।
समूह ’बि’को अन्तिम चरणमा स्पेन र मोरक्को तथा पोर्चुगल र इरानबीच खेल हुनेछ। अन्तिम १६ मा पुग्न स्पेन र पोर्चुगललाई बराबरी काफी छ भने इरानका लागि जित निकाल्नै पर्ने स्थिति छ । स्पेनले पहिलो खेलमा पोर्चुगलसँग ३–३ गोलको बराबरी खेलेको थियो भने इरानले मोरोक्कोलाई २–० ले हराएको थियो ।
