प्रदेश सरकार र सांसदहरुको सम्मानलाई कमजोर नपार्नेगरी मर्यादाक्रम निर्धारण गरिने – अध्यक्ष प्रचण्ड

खबर पूर्वाञ्चल, २८ जेष्ठ २०७५, सोमबार ०७:२९

विराटनगर / पूर्वप्रधानमन्त्री तथा नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले पुरानो संरचनामा रमाएको व्युरोक्रेसीको नेतृत्वको कारण संघीयता कार्यान्वयनमा केही जटिलता भएपनि संघीय संरचना संस्थागत हुने बताए।

आइतबार विराटनगरमा कार्यकर्ताहरुलाई सम्बोधन गर्दै अध्यक्ष प्रचण्डले माथिल्लो तहका केहि केर्मचारीलाई सिंहदरबारको अधिकार तल लैजान र सिंहदरबार छाडेर तल जान मन नपरेकोले अनुभूति भएको बताए ।

प्रदेश सरकारलाई अधिकार सम्पन्न बनाउनुको विकल्प नरहेको उल्लेख गर्दै अध्यक्ष प्रचण्डले प्रदेश सरकारलाई प्रहरी र प्रमुख जिल्ला अधिकारी परिचालनको जिम्मेवारी दिने तयारी भइरहेको जानकारी दिए। प्राकृतिक श्रोत साधन, कर संकलन र परिचालन, सुरक्षा संयन्त्र परिचानको अधिकार नभए प्रदेश सरकार सरकार जस्तो नहुने आपूmले बुझेको बताउँदै उनले त्यसबारे संघीय सरकारले छिट्टै आवश्यक काम गर्ने विश्वास व्यक्त गरे ।

विगतमा जस्तो ९÷९ महिनामा सरकार परिवर्तन हुने अवस्था नरहेकाले यसपटकको बजेटमा लोकप्रिय कार्यक्रम नआएको जानकारी दिँदै अध्यक्ष प्रचण्डले अर्थतन्त्रलाई बलियो बनाउनेगरी विकास र समृद्धिको लक्ष्य प्राप्ति गर्ने उद्देश्यले बजेट निर्माण गर्दा जनताका आकांक्षा सम्बोधन हुन नसकेको उल्लेख गरे । दुईतिहाइको सरकारले अझै ५ वर्ष देश चलाउने भएकोले अहिले जारी भएको बजेट पहिलो गियर भएको र पाँच वर्षसम्ममा गियर बढाउँदै उडान भरिने भएकाले चिन्ता नलिन आग्रह गरे।

अघिल्लो सरकारले तोकेको प्रदेशका सांसद र प्रदेश सरकारको मर्यादा क्रम गलत भएको बताउँदै अध्यक्ष प्रचण्डले त्यो मर्यादाक्रम केही दिनभित्रै परिमार्जन हुने जानकारी दिए। प्रदेश सरकार र सांसदहरुको सम्मानलाई कमजोर नपार्नेगरी मर्यादाक्रम निर्धारण गरिने जानकारी उनले दिए । यो खबर आजको जनविद्रोह दैनिकले छापेको छ ।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५