बिभागिय टिम प्रथम सांसद कप पुरुष राष्ट्रिय नाइट भलिबलको उपाधी नजिक

खबर पूर्वाञ्चल, २० जेष्ठ २०७५, आईतवार १६:१५

सुनसरी / प्रहरीका दुई बिभागिय टिम प्रथम सांसदकप पुरुष राष्ट्रिय नाइट भलिबलको उपाधी नजिक पुगेका छन् ।

इटहरी स्थित क्षेत्रिय रंगशालाको कोर्टमा शनिबार राती सम्पन्न सेमिफाइनल खेलहरुमा नेपाल पुलिस क्लब र शशस्त्र प्रहरीको एपीएफ क्लब विजयी हुँदै उपाधी नजिक पुगेका हुन् । पहिलो सेमिफाइनल खेलमा नेपाल पुलिस क्बलले प्रदेश नम्बर ५ लाई २५–२०, २५–१६, २५–१९ को सोझो सेटले पराजित गरेको छ । सो खेलको म्यान अफ द म्याच पुलिसका गोबिन्द पराजूली भए । उनले नगद २५ सय र ट्रफी पाए ।

दोस्रो सेमिफाइनल खेलमा शशस्त्र प्रहरीको एपीएफले प्रदेश नम्बर ३ लाई २५–५, २५–१५ र २५–२१ को सोझो सेटले पराजित गर्दै नेपाल पुलिससंगको उपाधी भिडन्त पक्का गरेको हो । खेलको म्यान अफ द म्याच एपीएफका टेकराज वस्ती घोषित हुँदै नगद २५ सय र ट्रफी हात पारे उपाधी भिडन्त स्थानिय क्षेत्रिय रंगशालामा आज सांंझ साढे ६ बजे सुरु हुने आयोजक सुनसरी जिल्ला खेलकुद बिकास समितीका अध्यक्ष अनुरोध थापाले बताए ।

नेपालमै पहिलो पटक आयोजना गरिएको दाबी गरिएको प्रथम रात्रीकालिन भलिबल प्रतियोगितामा प्रथम हुने टिमले नगद २ लाख सहित शिल्ड र द्धितिय हुने टिमले नगद १ लाख र शिल्ड पाउने छन । यस्तै उत्कृष्ट खेलाडीले २४ इञ्चको एलइडी टिभी र बिधागत तर्फ उत्कृट हुनेहरुले जनही ५ हजार पाउने पूर्वाञ्चल भलिबल संघका सदस्य एवंम प्रचार प्रसार संयोजक बिक्रम थापाले बताए ।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५