पूर्वाञ्चल खबर
पथरीशनिश्चरे–४ स्थिथत जनकल्याण आधारभुत विद्यालयमा आयोजित कार्यक्रमा ३० जना जेष्ठ नागरिकहरुलाई लौरो तथा झुल र २५ जना अपाङलाई फेन, ३ जनालाई कपडा र ५ जनालाई झुल वितरण गरएको छ ।
सम्मान कार्यक्रमा पूर्व सांसद चण्डिपसाद राई, प्रदेश सांसद कृष्णकुमारी राई, ४ नं. वडाध्यक्ष गोविन्दबहादुर भण्डारी, वडा सदस्यहरु अमर बराइली, दिलु मगर र तुलसा दर्जीले झुल तथा छाता वितरण गरेका थिए ।
सो अवसरमा अपाङग समन्वय समितिका अध्यक्ष मोहन दर्जी, जेष्ठ नागरिक समन्वय समितिका अध्यक्ष रुद्रबहादुर कटुवाल, सुकुम्बासी समस्या समाधान समन्वय समितिका जहरमान लिम्बु, युवा समाजसेवी लोककिरण न्यौपाने लगाएतले समेतले सामग्री वितरण गरे ।
जेष्ठ नागरिक समन्वय समितिले आयोजना गरेको कार्यक्रममा जेष्ठ नागरिक अन्तर्गत ५० हजार र अपाङ्गता भएका व्यक्ति अन्तरगत ५० हजार रुपैयाँ लक्षित बजेट रहेको थियो । जस अन्तरगत १ सय जना ७० बर्ष नाघेका बृद्धबृद्धालाई सम्मान गरिएको छ भने ३० जना अपाङ्गता भएका व्यक्तिहरुलाई सम्मान गरेको छ ।
