खबर पूर्वाञ्चल
खर्च गर्ने समय कम र ऐन नियम निर्माणकामा केन्द्रित हुनुपर्ने भएकाले बजेटको आकार सानो हुने आर्थिक मामिला तथा योजना मन्त्री इन्द्र आङबोले जानकारी दिए । ‘बजेटको आकार सानो हुनेछ ।’ मन्त्री आङबोले भन्छन ‘ आकार सानो भएपनि दिर्घकालिन महत्वका हुनेछन् ।’
चालु बर्षको तीन महिनाकालागि ल्याइने बजेट नया योजनाहरको अध्ययन अनुसन्धानका विषयमा केन्द्रित हुनेछ । दिर्घकालिन महत्वका योजनाकालागि सर्बे डिजाइन र प्रदेशका अन्य साना योजनाकालागि खर्च गर्ने गरी बजेट विनियोजन गरिने आङबोले बताए ।
प्रदेश सरकारले फागुन २२ गते सार्वजनिक गरेको एकसय दिने कार्यक्रममा बजेट केन्द्रित हुने बताइएको छ । त्यस बाहेक सम्भावित बाढी पहिरो नियन्त्रामा पूर्व तयारीकालागि पनि बजेट छुट्याइने छ । आङबो २०७५–०७६ को बजेटलाई सहयोग गर्नेगरी बजेट निर्माण गरिने बताउछन् ।
सरकारलाई बजेट ल्याउनकालागि चाहिने आर्थिक कार्यविधि विधेयक बुधवार बस्ने प्रदेशसभा बैठकमा फास्ट ट्रयाकबाट पेस गरिदैछ । प्रदेसभा बैठकबाट पास भएको ऐन प्रदेश प्रमुखले हस्ताक्षर गरेपछि कार्यन्यनमा आउने छ । बजेट तयारीसँगसँर्ग प्रदेश सरकारले प्रादेशिक बिनियोजन विधयेक पनि निर्माणको तयारी थालेको छ ।
उद्घोष दैनिकमा खबर छ ।
