खबर पूर्वाञ्चल
यसपटकको परीक्षा केन्द्र तोकिएका विद्यालयका प्रधानाध्यापकलाई नै केन्द्राध्यक्ष तोकिएको जिल्ला शिक्षा अधिकारी दिलनाथ पुरीले जानकारी दिए। ‘प्रधानाध्यापकको मापदण्ड नपुगेको अवस्थामा अन्य विद्यालयका प्रअ तथा स्थायी माविस्तरका शिक्षकलाई केन्द्राध्यक्ष तोकिएको पुरीले बताए । शिक्षा कार्यालयका अनुसार एसइइ परीक्षाको सम्पूर्ण तयारी पुरा भएको छ ।
मोरङमा ६९ वटा परीक्षा केन्द्र तोकिएको छ । जसमध्ये ६७ वटा नियमित विद्यार्थीका लागि र पुरक परीक्षाका लागि २ वटा केन्द्र तोकिएको छ । मोरङमा ५७ जना सम्बन्धित विद्यालयका प्रअलाई केन्द्राध्यक्ष तोकिएको छ भने अन्यलाई अन्य विद्यालयका प्रअ तथा शिक्षकलाई केन्द्राध्यक्ष तोकिएको छ ।
मोरङमा यस पटक १७ हजार ७ सय ५९ जना विद्यार्थी एसइइ परीक्षामा सहभागी हुँदैछन् । मोरङमा सामुदायिक १ सय ७९ वटा र संस्थागत गरी १ सय ८९ वटा गरी ३ सय ६८ वटा विद्यालय रहेका छन् । यस पटकको परीक्षामा नियमिततर्फ १७ हजार १ सय ४० र इक्जाम्टेडतर्फ ६ सय १९ जना विद्यार्थी सहभागी हुनेछन् ।
