खबर पूर्वाञ्चल
होली पर्वको अवसर पारेर विराटनगरका विभिन्न ठाउँमा होली मिलन कार्यक्रमहरु आयोजना गरिएको थियो । शुक्रवार विहान विराटनगर महानगर पालिका, पत्रकार महासंघ मोरङलगायत विभिन्न संघ संस्थाहरुले होली मिलन कार्यक्रमको आयोजना गरेका थिए ।
शुक्रवार सर्वसाधारणहरु विराटनगरका सार्वजनिक स्थलमा भेला भई बिहानैदेखि अबिर तथा रङ दलेर होलीको खुशी साटासाट गरिरहेका छन् ।
होली पर्वको अवसरमा ट्राफिक नियम उल्घन गर्ने ४ सय ३२ वटा सवारीलाई जिल्ला ट्राफिक कार्यालय मोरङले कारवाही गरेको छ ।
ट्राफिक प्रहरीकोे चेकिङ टोलीले मापेस गरी सवारी चलाउने, तीनजना सवार गरी मोटरसाइकल र हेल्मेट नलाई गरी ४ सय ३२ वटा सवारी साधनलाई कारबाही गरेको हो । शुक्रवार मात्र ट्राफिक प्रहरीले २ लाख १६ हजार राजस्व संकलन गरेको छ । प्रहरीले ट्राफिक नियम उल्लङ्घन गरी नियन्त्रणमा लिइएका मोटरसाइकल चालकबाट ५ सयका दरले जरिवाना उठाएको थियो ।
होलीका क्रममा उत्सृङखल गतिविधि गर्ने १ सय ८ जना मानिसलाई नियन्त्रणमा लिएको प्रहरीले जनाएको छ । तस्वीर- पुष्पराज थपलिया
