खबर पूर्वाञ्चल
टीकापुर घटनापछि फरार रहेको चौधरीले आज विहान कैलाली जिल्ला अदालतमा आत्मसमर्पण गरेका थिए । लगतै उनको बयान लिनुका साथै दुबै पक्षबाट बहस भएको थियो । बहस नसकिएपछि चौधरीलाई थुनामा राख्ने पैसला भएको हो । फरार रहेकै अवस्थामा चौधरीले कैलाली १ बाट प्रतिनिधिसभा सदस्य भारी मतअन्तरले चुनाव जितेका थिए ।
अभियुक्त चौधरीको पक्षमा अधिवक्ताहरु गंगाराम उपाध्याय, गजेन्द्रबहादुर केसी र मिलनकुमार राईले वहश पैरवी गरेका थिए । कैलालीको टीकापुर घटना लगत्तै फरार रहेका चौधरी सोमबार जिल्ला अदालतमा आफैं उपस्थित भएका हुन् । २०७२ भदौ ७ गते कैलालीको टीकापुरमा भएको हिंसात्मक घटनामा नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित ७ सुरक्षााकर्मी र १ नाबालक मारिएका थिए। उक्त घटनामा चौधरीलाई दोषी देखाइएको छ । चौधरीको अर्को पेशी फागुन १६ गतेका लागि समय तोकिएको छ ।
