पूर्वाञ्चल खबर
मुख्यमन्त्री तथा मन्त्रीपरिषदको कार्यालय
क्षेत्रीय कृषि निर्देशनालयको भवनमा मुख्यमन्त्रीको कार्यालय रहनेछ । विराटनगर–१२ स्थित रोडशेषमा रहेको उक्त भवन तीन तले छ । मुख्यमन्त्री तथा मन्त्रीपरिषदको कार्यालयले २३ वटा काम गर्नेछ भने २१ जना कर्मचारी रहनेछन् ।
आन्तरिक मामला तथा कानून मन्त्रालय
क्षेत्रीय खाद्य प्रविधि तथा गुण नियन्त्रणको कार्यालयमा आन्तरिक मामिला तथा कानून मन्त्रालय रहनेछ । विराटनगर–१० सोमबारे हाटमा रहेको उक्त भवन तीन तले छ । यो कार्यालयमा ४१ वटा कामका लागि ४१ जना कर्मचारी रहनेछन् ।
आर्थिक मामला तथा योजना मन्त्रालय
घरेलु तथा साना उद्योगको कार्यालयमा आर्थिक मामिला तथा योजना मन्त्रालय आन्तरिक मामिला तथा योजना मन्त्रालय रहनेछ । विराटनगर–३ स्थित शनिहाटमा रहको उक्त कार्यालयको भवन नयाँ हो । यो मन्त्रालयले २४ वटा काम गर्नेछ भने १८ जना कर्मचारी रहनेछन् ।
भौतिक पूर्वाधार तथा विकास मन्त्रलाय
भौतिक पूर्वाधार तथा विकास मन्त्रालय सुनसरी मोरङ सिंचाई आयोजनाको कार्यालयमा रहने भएको छ । विराटनगर–१२ मा रहको उक्त कार्यालयको भवन २ तले छ । यो मन्त्रालयले २२ वटा काम गर्नेछ भने २४ जना कर्मचारी रहनेछन् ।
सामाजिक विकास मन्त्रालय
सामाजिक विकास मन्त्रालय भने जिल्ला जनस्वास्थ्य कार्यालय मोरङमा रहने भएको छ । विराटनगर–८ देवकोटा चोकमा रहेको उक्त भवन तीन तले छ । ५८ वटा काम गर्ने उक्त मन्त्रालयमा ३० जना कर्मचारी रहनेछन् ।
उद्योग, पर्यटन, वन तथा वातावरण मन्त्रालय
क्षेत्रीय वन निर्देशनालयको कार्यालयमा उद्योग, पर्यटन वन तथा वातावरण मन्त्रालय रहने भएको छ । तुलनात्मक रुपमा अन्य मन्त्रालयभन्दा बढी काम हुने यो मन्त्रालयले ६२ वटा काम गर्नेछ र २९ जना कर्मचारी रहनेछन् । विराटनगर–४ मा रहेको यो भवन २ तले रहेको छ ।
भूमि व्यवस्थापन कृषि तथा सहकारी मन्त्रालय
हाल प्रदेश प्रमुखको कार्यालय रहेको क्षेत्रीय पशु सेवा निर्देशनालयमा भूमि व्यवस्था, कृषि तथा सहकारी मन्त्रालय रहने भएको छ । विराटनगर–१० सोमबारे हाटमा रहेको यो मन्त्रालयको भवन २ तले रहेको छ । ३२ काम गर्न यो मन्त्रालयमा २९ जना कर्मचारी रहने छन् ।
प्रदेशसभा सचिवालय
विराटनगर–८ मा रहेको जिल्ला समन्वय समितिको भवनमा प्रदेशसभा सचिवालय रहने छ । यो भवन तीन तले छ । २७ जना कर्मचारीसहित सचिवालय रहने भएपछि जिल्ला समन्वय समितिको कार्यालय सोही भवनको माथिल्लो तलामा राखिने भएको छ ।
प्रदेश प्रमुखको कार्यालय
२५ जना कर्मचारी सहितको प्रदेश प्रमुखको कार्यालय भने क्षेत्रीय सिंचाई कार्यालयमा रहने भएको छ । क्षेत्रीय पशुसेवा निर्देशनालयको कार्यालयमा रहेको प्रदेश प्रमुखको कार्यालय सारिने भएको हो । विराटनगर–१२ मा रहेको यो कार्यालय र मुख्यमन्त्रीको कार्यालय नजिकै राख्ने उद्देश्यका साथ स्थानान्तरण गर्न लागिएको हो ।
मन्त्रालयको टुंगो लगाएसँगै आइतबार केही मन्त्रालयको बोर्ड राखिने भएको छ । प्रदेश प्रमुखको कार्यालयमा बोर्ड राखिसकिएको छ भने प्रदेशसभा सचिवालय, मुख्यमन्त्रीको कार्यालय, आन्तरिक मामला तथा कानून मन्त्रालयको बोर्ड आइतबार राखिने मोरङका प्रमुख जिल्ला अधिकारी रामप्रसाद आचार्यले जानकारी दिनुभयो । मन्त्रालय राखिने ती भवनको रंगरोगन, मर्मत सम्भार तथा प्राविधिक व्यवस्थापनको काम धमाधम भइरहेको छ । जनविद्रोहबाट
