खबर पूर्वाञ्चल
मनमोहन प्राविधिक विश्वविद्यालयको मेडिकल एण्ड एप्लाईड हेल्थ साईन्स स्कुलअन्र्तगत स्नातक तहमा बीफार्मेसी अध्ययन गरिरहेका विद्यार्थी र विज्ञ शिक्षकहरुले विश्व फर्मासिस्ट दिवसको अवसरमा आयोजित कार्यक्रममा लाइसेन्स भाडामा लगाएर औषधी बेच बिखन गर्दा सिँगो पेशा बदनाम भैरहेको गुनासो गरेका हुन् । उनीहरुले देशमा दक्ष फर्मासिस्टहरुको माग उच्चभएकोले उच्च तहको शिक्षामा सबैको पहुँच हुनु पर्ने बताएका छन् ।
फार्मासिस्ट तथा मनमोहन प्राविधिक विश्व विद्यालयका फार्मेसी विभाग प्रमुख शाही विजय रिजालले विना दक्षता र ज्ञान नभएकाहरुले गर्दा फर्मेसी पेशा बदनाम भैहरकोले अनुगनमन गरि बिकृती नियन्त्रण गर्नु पर्नेमा जोड दिए । उनले फार्मेसीको लाइसेन्स भाडामा लगाउँनु भनेको चिकित्सकले नपढेकोलाई लाइसेन्स भाडामा लगाएर उपचार गराई विरामीको ज्यान लिनु सरह हो भने । विभागिय प्रमुख रिजाललले पढेलेखेका दक्ष औषधी विज्ञहरुले पर्दा पछाडीको हिरो बनेर काम गर्नु पर्नेमा जोड दिए ।
रजिष्ट्रार डा. दिलनाथ फुँयालले मनमोहन विश्व विद्यालयको फार्मेसी ल्यावलाई आफैले औषधी परिक्षण गर्न सक्ने मेघा ल्यावमा स्तरोन्नती गर्न लागेको बताए । उनले देशमा दक्ष फार्मासिस्टहरुको अभावलाई ख्याल गरेर मनमोहनले बीफार्मेसीको पठनपाठन सुरु गरेको र चाँडै व्याचलर अफ नेचुरोपेथी, पब्लिक हेल्थ र केमिकल टेक्नोलोजी बिषयमा पनि स्नातकतहको पठनपाठन गर्न लागेको जानकारी गराए । मनमोहनमा अध्ययन गरिरहेका बीफार्मेसीका विद्यार्थीहरु दक्ष फर्मासिस्ट बनेर सेवा दिन सक्षम हुने रजिष्ट्रार फुँयालले विश्वास व्यक्त्त गरे ।
विश्व विद्यालयका कानुनी सल्लाहकार कोषराज न्यौपानेले दक्ष फर्मासिस्टहरु विना समग्र स्वास्थ्य प्रणाली भरपर्दो हुन नसक्ने भएकोले फार्मेसी पेशाको विकृती नियन्त्रण गर्न सरकारले आवश्यक कानुन बनाउनु पर्नेमा जोड दिए ।
निमित्त परीक्षा नियन्त्रक भीम काफ्लेले विश्वविद्यालयको परीक्षा प्रणालीलाई गुणस्तरिय बनाउँदै समयमै परीक्षाफल प्रकाशित गर्न आफुहरु निरन्तर लागि परिहने बताए ।
हरेक बर्षको २५ सेप्टेम्बरका दिनलाई विश्वफर्मासिस्ट दिवसका रुपमा मनाउने गरिन्छ ।
मनमोहनमा बीफार्मेसीमा अध्ययनरत विद्यार्थीहरुले कविता र बकृत्वकला प्रस्तुत गरेर २५ औ विश्वफर्मासिस्ट दिवस मनाएका थिए । उनीहरुले आगामी दिनमा अझै प्रभावकारी रुपले दिवस मनाउने प्रतिबद्धता पनि जनाए ।
तपाईको प्रतिक्रिया