पूर्वाञ्चल खबर
पक्राउ पर्नेमा भारत राजस्थान गंगानगर घर भइ हाल काठमाडौं–२, गैरीधारा बस्दै आएका ३२ वर्षीय राहुल गोयल छन् । गोयल बिशालबजारस्थित सालिमार ज्वेलर्स सञ्चालन गर्दै आएका छन् । उनलाई गैरीधाराबाट प्रहरीले आज पक्राउ गरेको हो ।
गत वर्ष पुस २१ मा विमानस्थलबाट ३३ केजी सुनसहित ३ जना पक्राउ परेका थिए । एयर अरेबियाको विमानबाट ल्याइएको उक्त परिणामको सुनसहित मोरङका दीनबन्धु थापा, नेपालगञ्ज्का गोपालबहादुर शाही र जनकपुरका सन्तोष काफ्ले पक्राउ परेका थिए ।
उनीहरुसहित घटनामा संलग्न ३३ जनामाथि प्रहरीले मुद्दा दायर गरेको थियो । जून मुद्दामा गोयल फरार रहदै आएका थिए । प्रहरीले बरामद गरेको साढे ३३ किलो सुनमा उनको समेत लगानी रहेको प्रहरीले जनाएको छ ।
