खबर पूर्वाञ्चल
प्रतिनिधि सभा र प्रदेश सभाको जारी मतगणनामा वाम गठबन्धनभन्दा काँग्रेस अग्र स्थान रहेको छ । प्रतिनिधि सभा तर्फ अहिले सम्म गणना भएको १ लाख २२ हजार ४ सय ४९ मा नेपाली काँग्रेसले ४४ हजार ९ सय ३० मत ल्याएको छ ।नेकपा एमालेले ४० हजार ६ सय ९६ मत , नेकपा माओवादी केन्द्रले ९ हजार ९ सय ४७ मत , संघिय समाजवादी फोरम नेपालले ७ हजार ६ सय ८४ मत र विवेकशील साझा पार्टीले २ हजार २ सय ९९ मत ल्याएको छ ।
यसैगरि प्रदेशसभामा नेपाली काँग्रेसले ४१ हजार ८ सय ४९ मत, एमालेले ३६ हजार ८ सय ५४ मत , नेकपा माओवादी केन्द्रले ११ हजार ९ सय ४२ मत, संघिय समाजवादी फोरमले ७ हजार ३ सय ६४ मत , राष्ट्रिय जनता पार्टीले २ हजार २ सय ६८ मत र विवेकशील साझा पार्टीले १ हजार ८ सय १० मत ल्याएको छ ।
