CLASSICTECH NET

तस्करीको बाटोमा डोजर

खबर पूर्वाञ्चल, २४ बैशाख २०७४, आईतवार २०:१६
विराटनगर, २४ बैशाख । गिट्टी र बालुवा सहित नदीजन्य पदार्थ नेपालबाट भारततर्फ अवैध रुपमा तस्करी गर्नका लागि बनाइएको सडक प्रशासनले जोडर लगाएर भत्काएको छ । नेपाल–भारत सीमानाको दशगजा क्षेत्रमा बनाइएको सडक डोजर लगाएर भत्काइएको हो ।
नेपाल र सशस्त्र प्रहरीले विराटनगर १४ दरैयावस्तीबाट सीमावर्ती भारतको टिकुलिया वस्तीतर्फ नदीजन्य पदार्थ तस्करी गर्नका लागि बनाइएको नयाँ सडक भत्काइदिएको हो ।
सडक भत्काउन भारतीय सीमा सुरक्षा वल (एसएसवी) र भारतीय प्रहरीले पनि सहयोग गरेका थिए । तस्करीमा संलग्नले नेपालको गिट्टी र बालुवा भारत कटाउनका लागि डोजर लगाएरै सडक निर्माण गरेका थिए । निर्माण गरिएको सडकबाट प्रहरीको आँखा छल्दै नदीजन्य पदार्थ भारत कटाउने गरिएको थियो ।
सडक भत्काएर कुनै पनि सवारी साधन आवतजावत गर्न नसक्ने बनाइएको छ । सीमावर्ती नाकाबाट हुने गरेको तस्करी नियन्त्रणका लागि सबैतिर कडाई गरेसंगै तस्करीमा संलग्नले ढुंगा, गिट्टी र बालुवा भारत कटाउनका नयाँ सडक बनाएको प्रहरीले जनाएको छ ।
अवैध रुपमा हुने तस्करी नियन्त्रणकै लागि भारतको टिकुलियावस्ती हुँदै नेपालतर्फ प्रवेश गर्ने दरैयावस्तीमा २४ घण्टा नै प्रहरी परिचालन गरिएको छ । तस्करीमा संलग्नले प्रहरी परिचालन गरिएको स्थान भन्दा लगभग तीन सय मिटर पश्चिममा नयाँ सडक निर्माण गरेर त्यहाँबाट ढुंगा, गिट्टी र बालुवा भारततर्फ अवैध रुपमा कटाउन सुरु गरेको पत्ता लागेपछि सडक भत्काइएको सीमा प्रहरी चौकी विराटनगरका प्रहरी नायव निरीक्षक फिरोज चौधरीले जानकारी दिए ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५