उर्लाबारी क्याम्पसमा अनेरास्ववियुको उम्मेद्वारी घोषणा

उर्लाबारी, फागुन ४ / नेकपा एमालेनिकट विद्यार्थी संगठन अनेरास्ववियु उर्लाबारी बहुमुखी क्याम्पसले आज उम्मेद्वारी घोषणाका साथै साँस्कृतिक कार्यक्रम सम्पन्न गरेको छ ।

कार्यक्रममा अगामी फागुन १४ गते हुने स्ववियु निर्बाचनका लागि उम्मेदवारी अनेरास्वबियुले आफ्नो उम्मेद्वार हरुको नाम घोषणा गरेको हो । अनेरास्ववियुले सभापतिमा गणेश घिमिरे, उपसभापतिमा हेमन लिम्बु, सचिवमा सुनिल धिमाल, सहसचिवमा नवराज अधिकारी र कोषाध्यक्षमा ज्योति चौहानलाई उठाउने घोषणा गरेको हो । त्यसैगरी सदस्यहरुमा रामु तिवारी, रुषा भण्डारी, उचित अर्याल, तुलसा निरौला र सरस्वती गुरागाईलाई उम्मेदवार बनाउने घोषणा गरेको छ ।

त्यस्तै समानुपातिक सदस्यतर्फ डिल्लीराम पोखरेल, ममता राई, समिक्षा भण्डारी, नुनिता पोखरेल र अञ्जली श्रेष्ठलाई उम्मेदवार बनाउने घोषणा गरेको छ । क्याम्पस ईकाइ अध्यक्ष गणेश घिमिरेको सभापतित्वमा भएको कार्यक्रममा प्रमुख अतिथी अनेरास्ववियुका पूर्व केन्द्रीय अध्यक्ष रामकुमारी झाँक्री, केन्द्रीय सचिव ओसिम आलम, पूर्व स्ववियु सभापति महेन्द्र अधिकारी लगायतले मन्तव्य राखेका थिए।