२९ पुस,विराटनगर/ एमाले मोरङको जिल्ला कार्यसमितिका नवनिर्वाचित पदाधिकारीहरुलाई आज शुक्रबार पदस्थापन गराइएको छ ।
विराटनगरमा हिजो राति सम्पन्न आठौं अधिवेशनबाट अध्यक्ष पदमा निर्वाचित विनोद ढकालसहित उपाध्यक्ष रामलाल साह, सचिव ऋषिकेश पोखरेल र सहसचिव घना तामाङलाइलगायत विजय हुने सवैलाई आज एमाले पार्टि कार्यालयमा सम्मान गर्दै पदस्थापन गराइएको हो ।
विजयी सबै पदाधिकारीहरुलाइ पूर्व अध्यक्ष महेश रेग्मी, पूर्व सामान्य प्रशासन मन्त्रि लालबाबु पण्डित र एमालेका केन्द्रिय सदस्य जिवन घिमिरे लगायतले फुलमाला लगाइ सम्मान गरेका ।
निर्वाचनमा बिनोद ढकाले ५ सय ४० मत प्राप्त गर्दै महेश रेग्मीलाई पराजित गरेका थिए । रेग्मीले ३ सय ३४ मत प्राप्त गरेका थिए भने चार जना जिल्ला सदस्य बाहेक सबै पदमा ढकाल पक्षका विजयी भएका छन् ।
तपाईको प्रतिक्रिया