पूर्वाञ्चल खबर
विराटनगर सहिद मैदानमा आज भएको सेमिफाइनलमा विभागीय टिम नेपाल पुलिस क्बललाई १–० गोल अन्तरले पराजित गर्दै चर्च ब्वाइज उपाधि दाबेदार बनेको हो । चर्च ब्वाइज बुधबार हुने फाइनलमा थ्रीस्टारसँग प्रतिस्पधा गर्ने छ ।
थ्रीस्टारले आइतबार विभागीय टिम त्रिभूवन आर्मी क्लबलाई ३–२ गोलले निराश बनाउँदै उपाधि नजिक पुगेको हो । चर्च ब्वाइजले क्वारटफाइलनमा एनआरटीलाई २–० गोलले हराउँदै सेमिफाइलनमा पुगेको थियो ।
चर्च ब्वाइजको जितमा लाक्पा पाख्रिनले गरेको गोलनै निर्णायक बन्यो । बिदेशी खेलाडी एबायोमीले निकालेको लामो पासलाई लाक्पाले ७० औं मिनेटमा गोल गरेका थिए ।
पटक–पटक अवसर पाए पनि विराट गोल्डकपको चौथो संस्करणको विजेता पुलिसले गोल फर्काउन नसक्दा टोलीको यात्रा सेमिफाइनलमै टुंगियो । २०७२ सालमा भएको विराट गोल्डकपको फाइलनमा झापा ११ लाई १–० गोलले हराउँदै पुलिसले उपाधि जितेको थियो ।
चर्च ब्वाइजले यो सिजनमा भएको २४ औं आहा रारा पोखरा गोल्डकपमा हारको बदला पनि विराट गोल्डकपमा आएर लिएको छ । ३० माघमा ंपोखरामा भएको आहा रारा गोल्डकप फुटबल प्रतियोगिताको सेमिफाइलनमा पुलिसले चर्च ब्वाइजलाई १–० गोलले पराजित गरेको थियो ।
प्लेयर अफ द म्याच चर्च ब्वाइजका गौरव श्रेष्ठ घोषित भए । उनल नगद ११ हजार पाए ।
विराट गोल्डकपको बिजेताले ११ लाख र उपबिजेले ५ लाख रुपैयाँ प्राप्त गर्नेछन् । तस्वीरहरु पुष्पराज थपलिया
