पूर्वाञ्चल खबर
नेपाल स्काउट प्रदेश १ तदर्थ समितिको आज विराटनगरस्थितमा आयोजित सपथ ग्रहण कार्यक्रममा मुख्यमन्त्री राईले यस्तो बताएका हुन् । उनले नेपालाई अस्थिर बनाउने षड्यन्त्र भईरहेको बताए ।
मुख्यमन्त्री राईले कसरी र कसले अस्थिर बनाउने षड्यन्त्र गरिरहेको छ भन्ने कुरा भने प्रष्ट्याएनन् । संविधानको कार्यन्वयन नगर्न र संघीयतालाई असफल बनाउन विभिन्न ठाउँबाट षड्यन्त्र भईरहेको उनको दावी थियो ।
नागरिकको चाहना स्थायी शान्ति, सुशासन र विकास भएकोले तीनै तहका सरकारको यहि मर्मलाई आत्मासाथ गर्नुपर्ने समेत बताए ।
मुख्यमन्त्री राईले युवाहरुलाई रचनात्मक भूमिकामा बढाउन सक्दा मात्रै देशको विकास हुनेमा विश्वास व्यक्त गरे । नेपाल स्काउटमा आवद्ध युवाहरुले अनुशासन र मर्यादा पालना गर्नु पर्ने बताउँदै उनले राष्ट्रिय संकट र आवश्यकतालाई युवाहरुले धान्नुपर्नेमा जोड दिए । उनले युवाहरुमा भएको नकारात्मक सोचलाई हटाउँदै सहि बाटोमा हिडाउनका लागि नेपाल स्काउटको महत्वपूर्ण भूमिका हुनुपर्नेमा जोड दिए । देशको मेरुदण्ड मानिने युवाहरुले राष्ट्रिय जागरण ल्याउने भूमिकामा देखिनु पर्ने बताउँदै त्यसका लागि नेपाल स्काउटले नेतृत्व गर्नुपर्ने मुख्यमन्त्री राईको जोड थियो ।
