पूर्वाञ्चल खबर
विराटनगर / प्रहरीले विराटनगरस्थित सिंघीया खोलको घाटबाट एक महिलाको शव आज नियन्त्रणमा लिएको छ ।
घाँटीमा शंकास्पद डाम देखिएपछि विराटनगर महानगरपालिका–८ बलुवाइकी २८ वर्षीया प्रेमदेवी साहको शव नियन्त्रणमा लिइएको मोरङ प्रहरी प्रमुख एसपी विश्व अधिकारीले बताए । उनका अनुसार जलाउनका लागि घाटमा पु¥याएर चिता समेत बनाइसकेपछि घटना शंकास्पद रहेको जानकारी आएको थियो ।
मृतकको घाँटीमा चोट देखिएपछि प्रहरीले शव नियन्त्रणमा लिएर पोष्टमार्टमका लागि कोशी अञ्चल अस्पताल पठाएको छ ।
घटना शंकास्पद रहेकाले श्रीमान् गोविन्द साहलाई नियन्त्रणमा लिएर अनुसन्धान सुरु गरेको उनले बताए ।
श्रीमानको बयान पनि बाझिएका कारण उनलाई नियन्त्रणमा लिएको मोरङ प्रहरी प्रमुख अधिकारीले बताए ।
शंकास्पद मृत्यु भएको सूचना आएपछि वडा प्रहरी कार्यालय हाटखोलाबाट प्रहरी नायव निरीक्षक मनोज अधिकारी र जिल्ला प्रहरी कार्यालय मोरङका प्रहरी निरीक्षक रामबहादुर ढकाल नेतृत्त्वमा टोली घटनास्थल पुगेको थियो ।
अनुसन्धानमा संलग्न प्रहरी अधिकृतका अनुसार महिलाको घाँटीमा देखिएको चोट पुरानो होइन ।
