पूर्वाञ्चल खबर
प्रहरी कार्यालय र ग्रामथान गाउँपालिका वडा नम्बर २ सँग समन्वय गरेर ¥याली निकालिएको हो । साबिकको झोराहाट ३, ४ र ५ वडामा निकालिएको ¥यालीमा ग्रामथान गाउँपालिकाका अध्यक्ष कृष्ण माझीसहित प्रहरी, स्थानीय यूवा, बालबालिका, समाजसेवी, शिक्षक र विद्यार्थीको सहभागिता रहेको क्लबका लिडर रञ्जित सरदारले जानकारी दिए । झोराहाटमा ५ वटा क्लब छन् । एउटा क्लबमा २५ देखि ३० जना यूवा सहभागी छन् । हाम्रो स्काई क्लबले जेब्राक्रसिङ बनाएको छ । यस्तै सचेतनासम्बन्धी होडिङ बोर्ड पनि राखेको क्लबका यशोदा पोखरेलले बताइन् । योङ नेपाल स्काई क्लबले भने शनिबार नै वीरेन्द्र माविमा सरसफाई गरेको छ । क्लबले पिडारमनीमा यात्रुका लागि प्रतीक्षालय निर्माण गरेको छ ।
क्लबमार्फत विभिन्न जनतेतनामूलक कार्यक्रम विगत डेढ महिनादेखि सञ्चालन भइरहेको छ । ६८ हप्तासम्म स्काई मोडलमा आधारित रहेर विभिन्न कार्यक्रम सञ्चालन हुनेछ । क्लबहरूले विभिन्न सामुदायिक गतिविधि र परियोजना सञ्चालन गर्ने र समुदायमा रहेका यूवाहरूलाई सही बाटोमा लाग्न अभिप्रेरित गर्नेछन् । कार्यक्रममा ग्रामथान गाउँपालिकाका अध्यक्ष कृष्ण चौधरी, उपाध्यक्ष फुलकुमारी चौधरीलगायतले मन्तव्य व्यक्त गरेका थिए । क्लबहरूलाई एमडीएमएस र वल्र्डभिजनले प्राविधिक सहयोग गरिरहेका छन् ।
