पूर्वाञ्चल खबर
जोशीले तनहुँ क्षेत्र नम्बर १ बाट टिकट मागेका थिए । तर, कांग्रेसले बरिष्ठ नेता पौडेललाई टिकट दिएपछि जोशीले बागी उम्मेदवारी दिएका हुन् ।
पार्टीले स्थानीय कार्यकर्ता र जनताको भावना विपरित रामचन्द्र पौडेललाई टिकट दिएकाले आफू स्वतन्त्र उम्मेदवार बन्न बाध्य भएको जोशीले बताए । जोशीको समर्थनमा यसअघि सो क्षेत्रमा उनका समर्थकले प्रदर्शनसमेत गरेका थिए ।
जोशीको उम्मेदवारी दर्ताअघि सम्पर्क कार्यालयमा उनका समर्थक कांग्रेस कार्यकर्ताहरु जम्मा भएका थिए । जोशीले कांग्रेसको चारतारे झण्डा सहित जुलुस लिएर उम्मेदवारी दर्ता गराएको बुझिएको छ ।
जोशीको समर्थनमा भानु नगरपालिकाका मेयर समेत रहेका कांग्रेस क्षेत्रीय सभापति उदयराज गौली पनि उपस्थित रहेका थिए ।
