खबर पूर्वाञ्चल
हस्पिटलको चौथो तल्लामा स्थापना गरिएको यस पि.आई.सि. यु मा ३ वटा आइसोलेसन कक्षसहित १७ शैयाको व्यवस्था गरिएको छ। विराट नर्सिङ होमका सिइओ तथा विराट मेडिकल कलेज टिचिङ हस्पिटलका बोर्ड अफ डिरेक्टर डा. निकिता कार्की र नवजात शिशु तथा बाल रोग विशेषज्ञ प्रोफेसर डा. हेमसागर रिमालले रिबन काटेर पि.आई.सि. यु को उद्घाटन गरे ।
उद्घाटन कार्यक्रममा डा. चन्द्र भुषण झा, डा.सतिश यादव, डा.मनोजकुमार चौधरी, नर्सिङ सुपरिटेन्डेन्ट आयुषमा साक्य, नर्सिङ इन्चार्ज अप्सरा पुर्कुटीलगायतको उपस्थिति रहेको थियो।
यस पि.आई.सि. यु मा पहिले १० शैयाको व्यवस्था थियो । भने हाल १७ शैयाको सुविधा सम्पन्न सेवा उपलब्ध छ। हाल डेडिकेटेड पेडियाट्रिक आई.सि. यु लेभल ३ सञ्चालनमा रहेको छ।
हस्पिटल प्रशासनले छिट्टै पेडियाट्रिक आई.सि. यु लेभल ४ को विस्तार गरिने जनाएको छ। यो सेवाले पूर्वी नेपालका बालबालिकाहरूलाई गुणस्तरीय स्वास्थ्य सेवा प्रदान गर्नेछ।
