खबर पूर्वाञ्चल
झापाकाे जितका लागि निरज कार्कीले १ गाेल र प्रदीप बुढाथोकीले २ गाेल गरे । खेल सुरु भएको पहिलो मिनेटमै झापाका निरज कार्कीले भाेजपुर बिरुद्ध गाेल गरे । निरजले पाेष्टमा प्रहार गरेको बल भाेजपुरका खेलाडी सन्जय लिम्बूले गाेललाइनबाट ब्याक पास गरेका थिए ।तर, उक्त बललाई निरजले नियन्त्रणमा लिई सिँधै गाेलपाेष्टकाे जालि चुमाए । मध्यान्तर अघि १-० ले अग्रता कायम गरेको झापाले ७५ ओैं मिनेटमा १ गाेल थप्याे ।
झापाका प्रदीप बुढाथोकीले मैदानकाे मध्यभागबाट प्रहार गरेको बल गाेलमा परिणत भएको थियो । अतिरिक्त समयमा झापाका प्रदीप बुढाथोकीले थप १ गाेल गर्दै टिमकाे सेमिफाइनल यात्रा तय गराएका थिए ।
आजको खेलमा झापाका निरज कार्की प्लेयर अफ द म्याच घोषित भए । उनलाई शिवसतासी नगरपालिका झापाका नगर प्रमुख राेशन थाेप्राले नगद ५ हजार र ट्रफि प्रदान गरे । सोमबार चित्लाङ फुटबल क्लव काठमाडौं र राजारानी फुटबल क्लव धनकुटा बिच खेल हुनेछ । प्रतियोगिताका विजेताले ८ लाख नगद र गोल्ड कप र उप विजेताले ५ लाख नगद र ट्रफि सहित प्रमाण पत्र र मेडल पाउनेछन् ।
तपाईको प्रतिक्रिया