आगलागी पीडित –विपद व्यवस्थापन समितिद्वारा नगद सहित राहत वितरण

खबर पूर्वाञ्चल, २७ पुष २०७९, बुधबार १०:५४
81
Shares

विराटनगर / जिल्ला विपद् व्यवस्थापन समिति मोरङले मोरङको धनपालथान गाउँपालिका वडा नं २ धरमपुर पैठामा भएको आगलागीबाट पीडित परिवारहरुलाई नगदसहित राहत सामाग्री वितरण गरेको छ ।

समितिका अध्यक्ष मोरङका प्रमुख जिल्ला अधिकारी काशीराज दाहालले आगलागी पीडित तीन परिवारलाई मध्ये दुई परिवारलाई हिजो साँझमा नगद २०–२० हजार र एक परिवारलाई १५ हजार, त्रिपाल, म्याट र कम्बल वितरण गरे ।

यसैगरी धनपाल गाउँपालिकाका अध्यक्ष जिवछप्रसाद गच्छदार र उपप्रमुख नसिमा वानोले चामल ५० केजी, दाल, तेल नुन, मसला, सावुन लगायतका अन्य खाद्यान्न वितरण गरे । यस्तै नेपाल रेडक्रस सोसाइटी मोरङका अध्यक्ष सुबोधकुमार सिंहले त्रिपाल, कम्बल, खाना पकाउने भाँडाको सेट, लगाउन लत्ताकपडा लगायतका सामागी वितरण गरे ।

मोरङ दक्षिण क्षेत्रमा रहेको उक्त पालिकाका कैलास, गणेश र भजनलाल मण्डल तीन घरहरु सोमबार राति विद्युत चुहावट आगलागी हुँदा दुई वाख्रा र एक बाझा सहित तीन चौपायाको आगाले जलेर मृत्यु हुनकासाथै रु १४ लाख क्षति भएको प्रहरीले जनाएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: khabarpurwanchal6600@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५